Спорт
Жозе стана инстаграм-ѕвезда, па призна дека спонзорите го убедиле
Инстаграм-профилот на Жозе Мурињо предизвикува огромно внимание во последно време откако менаџерот на Тотенхем ја користи својата специфична смисла за хумор за коментари за секоја фотографија и сега Специјалниот признава дека на тоа го убедиле неговите спонзори.
Тој првично го затвори својот инстаграм-профил пред неколку години, но сега е полн со саркастични коментари иако вели дека не им праќа пораки на своите играчи со тоа.
„Не, не е целта да се праќаат пораки до моите играчи бидејќи тоа можам да им го кажам лично. Уште не сум вистински човек за ‘Инстаграм’ по природа, и да бидам искрен, тоа го побараа моите спонзори. Тие сметаа дека го затворив профилот со неколку милиони следбеници и тоа не беше во ред. Сега го правам тоа. Малку по малку, навистина е смешно и не ми е проблем“, вели Мурињо.
Еве мал дел од неговите интересни фотографии:
Кога ќе победиш, а не си играл особено добро:
Лошите перформанси заслужуваат лоши резултати. Се надевам дека сите во автобусот се изнервирани како мене. Утре, 11 часот, тренинг.
View this post on Instagram
Уште еден лет, уште еден филм, уште еден меч од Лига Европа.
View this post on Instagram
One more flight, one more movie, one more @europaleague match @spursofficial
По голема победа во тежок меч. Знакот на времето.
View this post on Instagram
After a great victory in a really hard match… Sign of the times ?? Well done boys #COYS
Три топки… Три гола што ги примивме од Вест хем? Три фантастични гола што им ги дадовме? Или 2 трофеја од Лига Европа, кои ги имам в џеб, со трета за која ќе се борам?
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ласо се договорил со Анадолу Ефес
Искусниот шпански тренер Пабло Ласо ќе стане нов шеф на тренерскиот штаб на Анадолу Ефес. Порталот „Баскетфул“, тврди дека тој договорил 18-месечна соработка со клубот од Истанбул. Според овој извр, Шпанецот ќе биде промофиран во нов тренер по дуелот што Ефес треба да го одигра со Валенсија.
Двократниот освојувач на Евролигата, неодамна остана без тренер откако Игор Кокошков беше отпуштен од должноста по серија лоши резултати.
Според извештаите, Ласо ќе го гледа во живо гостувањето на Ефес во Валенсија, а потоа треба да се врати во Истанбул со тимот, каде што ќе ги заврши сите формалности околу потпишувањето на договорот.
Договорот е од таква природа што двете страни можат да ја прекинат соработката на крајот од оваа сезона доколку резултатите не го задоволат Ефес, додека спротивното сценарио би значело дека Ласо би останал во Истанбул до летото 2027 година.
По 15 кола во Евролигата, Ефес има скор од 5-9 и е во група од пет екипи, кои имаат идентичен сооднос на победи и порази.
Foto/ depositphotos
Спорт
Њујорк Никс и Орландо Меџик во полуфиналето на НБА Купот
Кошаркарите на Њујорк Никс и Торонто Репторс се пласираа во полуфиналето на НБА Купот.
Њујорк Никс ги победија Торонто Репторс со 117:101 во четвртфиналето на НБА Купот.
Никс речиси го решија прашањето за победникот на полувремето, бидејќи ја добија втората четвртина со 34:13 и влегоа во второто полувреме со големи +17 (69:52).
Во второто полувреме, Никс ја одржаа својата предност и рутински го приведоа натпреварот кон крајот.
Џејлен Брансон ги предводеше Никс до победа со 35 поени, три скока и четири асистенции, а го следеше Џош Харт со 21 поен, шест скока и четири асистенции.
Кај Репторс се истакна Брендон Инграм со 31 поен со шест скока и асистенции и Џамал Шид со 18 поени и осум асистенции.
Вториот полуфиналист, кој ќе ги одмери силите со Њујорк Никс, е Орландо Меџик, кој ги победи Мајами Хит со 117:108.
Мајами добро го отвори натпреварот, стекна предност од 13 поени по првата четвртина (30:17), но Орландо се врати во игра во текот на втората четвртина, кога заостануваше само еден поен.
Следеше пресврт во средината на второто полувреме, Орландо поведе и не ја испушти предноста до крајот на натпреварот.
Орландо до победата го предводеше Дезмонд Бејн со 37 поени, шест скока и пет асистенции.
Кај Мајами се истакна Норман Пауел со 21 поен и седум скока, поен помалку постигна Тајлер Хиро.
Спорт
(Видео) Италијаните бесни на судијата Феликс Цвајер
Италијанските медиуми и фудбалерите на интер се бесни на германскиот судија Феликс Цвајер поради пеналот со кој Ливерпул го победи Интер (1:0) во шестото коло од Лигата на шампионите. Доминик Собослај постигна пенал во 88-та минута за важна победа за Ливерпул и втор пораз по ред на Интер.
Цвајер го досуди пеналот откако ја разгледа ситуацијата во шеснаесетникот на домашниот тим и строго го казни Интер затоа што неговиот играч Алесандро Бастони го повлече Флоријан Вирц за дресот.
Играчот на Ливерпул беше свртен со грб кон голот. Италијанците тврдат дека не бил во позиција да постигне гол и дека театрално паднал.
Мануел Аканџи од Интер рече: „Тој (Бастони) го повлече, но премногу е сурово за да се досуди пенал. Кога ја гледате ситуацијата во забавена снимка, изгледа полошо отколку што беше. Ова е еден од најстрогите досудени пенали што сум ги видел. Не е пенал.“
Дефанзивецот на Ливерпул, Енди Робертсон, коментираше: „Казната беше строга, но секаде на друго место на теренот би се сметало за фаул“.
Интересен е коментарот на капитенот на Ливерпул, Вирџил ван Дајк. Прво изјави: „Чист пенал!“, но откако го прегледа видеото од ситуацијата, рече:
„Всушност… уф… Да кажеме вака: судијата го досуди. Но, нашиот гол во првото полувреме беше неправедно поништен, така што на крајот е во ред.“
Ван Дајк се осврна на голот на Ибрахим Конате, кој беше поништен во 32-та минута по интервенцијата на ВАР.
Foto/ depositphotos

