Европа
(Видео) Италијански комесар за здравство сменет по ТВ гостување: „Следниот пат подобро да се подготвиш“
Комесарот за здравство на регионот Калабрија со вонредни овластувања, пензионираниот генерал на карабинерите, Саверио Котичели беше итно разрешен откако гостуваше во ТВ емисија.
Тој на „Раи 3“ покажа дека не знае кои се неговите обврски и дека не ги знае основните податоци за здравствената состојба во регионот, пишува весникот „Ил Фато Котидијано“.
Цела Италија зборува за овој трагикомичен случај кој наликува на хумористичен скеч.
Commissary for Health for Calabria (now in lockdown) and former corps general of the Italian gendarmerie (carabinieri), Saverio Cotticelli learned yesterday during an interview that he was the responsible for the anti-covid plan. Quite shocking. https://t.co/udpsQYJG8g
— Giovanni Damele (@giovanni_damele) November 7, 2020
Веднаш по емисијата, премиерот Џузепе Конте нареди итна смена на Котичели, кој беше на позицијата вонреден комесар за здравство веќе две години, а неговото место беше обновено за уште две години пред неколку дена.
На новинарско прашање зошто програмата за заштита од Ковид-19 не е спроведена во регионот Калабрија, комесарот, како што пишува весникот, го прашал новинарот: „Па, дали јас требаше да го сторам тоа?“
Тој дури и не знаел колку легла има одделението за интензивна нега, па збунето го прашал својот придружник (полицаец), а тој бил подеднакво збунет од целата ситуација и рекол дека е само придружба.
Исто така интервенираше и неговата заменичка, која во директниот ТВ пренос му порача: „Следниот пат треба подобро да се подготвиш и сè добро да научиш“.
Во јужниот регион Калабрија, состојбата во здравствениот систем е хаотична веќе неколку години, а пандемијата Ковид-19 само ја влоши ситуацијата.
Според одлуката на владата, регионот беше ставен во таканаречената „црвена зона“, што е област со висок ризик од инфекција со коронавирус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.