Црна хроника
Двојно убиство и самоубиство во Албанија
Албански државјанин ја застрелал сопругата, како и нејзиниот татко, по што се самоубил.
Трагедијата се случила во близина на градот Драч, кога албанскиот државјанин Дритан Петова ( 41 година) по убиството на својот дедо Исмет Лека ( 76 години ) и неговата сопруга Зара Петова ( 35 год), се искачил на еден столб на далновод и по три и пол часа искачен на столбот, се самоубил.
Полицијата повеќе од три часа се обидувала да го убеди да се предаде, но по еден телефонски разговор што имал убиецот на својот мобилен телефон, пукал во себе од пиштолот што го имал со себе.
Како причина за овој чин се наведува тоа што жената сакала да се разведе од убиецот. /крај/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Петгодишно дете исчезна во Сарај, МВР го најде по два часа
Петгодишно девојче исчезнало денес околу 16.20 часот во паркот Сарај.
Како што објави МВР, веднаш презеле мерки, па околу 18.15 часот детето било пронјадено.
Претходно, од полицијата информираа дека се трага по девојче со руса долга коса, облечено во розово фустанче и розови чевли
Црна хроника
Ископана човечка коска во дворот на Клиничкиот центар во Скопје
Вчера во СВР Скопје било пријавено дека кај Клиника за психијатрија при Комплексот клиники „Мајка Тереза“, при изведување на градежни работи – вршење на ископ, била пронајдена коска, најверојатно човечка, на место каде порано имало гробишта.
Излезено било на местото на настанот од полициски службеници од СВР Скопје и известен бил јавен обвинител.
Црна хроника
Во куќарка на паркинг во Центар пронајдено починато лице
Во 06.10 часот во СВР Скопје било пријавено дека на подрачјето на Центар, во куќарка на паркинг, додека бил на неговото работно место, бил пронајден починат Д.С.(63) од Скопје.
Од страна на лекар од Итна медицинска помош констатирана била смрт без видливи траги на насилство.
Извршен бил увид од увидна екипа од СВР Скопје, а по наредба на Јавен обвинител телото на починатиот било дадено за обдукција.