Спорт
Црна Гора се спаси од Азербејџан и доби подарок од Кипар кој го „сопна“ Луксембург
Црногорците успеаја да останат непоразени од селекцијата на Азербејџан и си ги задржаа шансите за прогрес од Лига Ц во Лига Б во Лигата на нации.
Иако мечот се играше на неутрален терен (во Запрешиќ) поради настаните во Азербејџан, сепак мечот се завршо со најнепопуларниот резултат 0-0. Сепак Црногорците се тие што треба да се задоволни од ваквиот епилог поради тоа што цело второ полувреме играа со човек помалку, во 45 минута Ивановиќ ги остави колегите на цедило.
Црна Гора остана на чело на табелата во групата со 10 бода затоа што Луксембург беше поразен во Никозија, од Кипар 2-1. Со тоа Луксембург е втор со 9 бода пред последното коло во кое Црна Гора игра дома против отпишаниот Кипар.
Во истиот термин се одигра уште еден меч од Лигата на нации, но од Д сегментот. Латвија и Фарски Острови поделија по бод, мечот во Рига заврши 1-1.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Челси сака да ја „одработи“ казната и да ја прескокне Конференциската лига
Победата на Манчестер јунајтед против Манчестер сити во финалето на ФА Купот во саботата попладне (2:1) го испрати Челзи во Конференциската лига. Сепак, англиски „Телеграф“ навестува дека Челси ќе се обиде да го прескокне ова натпреварување.
Челзи во саботата навечер на својата веб-страница и социјалните мрежи објави дека следната сезона ќе игра во Конференциската лига, но на Островот се шират шпекулации дека тоа нема да биде случај.
Се шпекулира дека Челзи би можел да го следи примерот на Јувентус од минатат сезона.
Јувентус постигна договор со Европската фудбалска унија да се повлече од Конференциската лига и со тоа практично да ја одработи казната поради прекршување на правилата на финансискиот фер-плеј.
Токму тоа го наведува „Телеграф“ во написот на Мет Лоу, кој нагласува дека УЕФА ги контролира финасиите многу построго од Премиер лигата.
Понатамошната логика е јасна, ако Челзи веќе мора да прескокне сезона во Европа, тогаш најлесно е тоа да биде сезона во третото најсилно европско натпреварување.
Дали ќе биде така и дали Њукасл ќе го замени Челзи во Конференциската лига ќе биде познато наскоро.
Спорт
Арасате ја напушти Осасуна
Тренерот на Осасуна, Јагоба Арасате, последен пат го предводеше тимот во саботата. Играчите и навивачите емотивно се простија од тренерот по натпреварот помеѓу Осасуна и Виљареал кој заврши 1:1.
„Ќе се сеќавам колку им бев драг на луѓето, а денес беше кулминација на тоа. Од понеделник почнува времето за носење одлуки“, рече 46-годишниот Арасате на прес-конференција.
Медиумите шепкулираат дека тој ќе ја преземе Мајорка или да се обиде да ја подигне Севилја.
Арасате шест години ја водеше Осасуна, која сезонава ја заврши на 10. место меѓу 20-те клубови од Примера. Засега не се знае кој ќе биде новиот тренер на Осасуна.
Спорт
Пикси се уште не потпишал – Проблем се еден милион евра
Селекторот на Србија, Драган Стојковиќ Пикси се уште не го потпишал новиот договор, а според сите индикации нема потпишувањето нема да се случи ниту во наредните денови и покрај тоа што Фудбалскиот сојуз на Србија (ФСС), во четвртокот објави дека биле договорени деталите од новиот договор, според кој Пикс би останал селектор до 2026 година.
Проблемот околу новиот договор со селекторот на Србија настанал околу финансискиот дел. Станува збор за потенцијален прекин на соработката доколку Србија не обезбеди пласман во осминафиналето на претстојното Европско првенство, дознава „Спорт клуб“.
Во случај на раскинување на соработката, Стојковиќ инсистирал на обештетување во висина од еден милион евра.
Сè уште не е познато кога Пикси ќе го стави потписот на новиот договор, а новиот датум кога тоа треба да се случи е понеделник (27 мај) во 11 часот.
Конечниот збор ќе го имаат членовите на Извршниот одбор на Фудбалскиот сојуз на Србија. Третата точка на седницата закажана за в понеделник, ја дефинира дискусијата за продолжување на соработката со селекторот.