Спорт
Кој вели дека Хамилтон не знае на дожд? Седмата титула запечатена со турска победа
Луис Хамилтон е дефинитивно најуспешниот возач во историјата на Формула 1, откако со блескава победа на дождливото Турско ГП на Истанбул парк, ја освои својата седма светска титула, израмнувајќи се со рекордот на Михаел Шумахер, кој се сметаше дека е недостижен.
Откако оваа сезона го помина и неговиот рекорд од 91 победа во кариерата, статистиката без сомнеж вели дека Британецот е најуспешниот возач во историјата на Формула 1, додека дебатата за тоа кој беше најдобриот, најверојатно ќе се одвива вечно.
На Хамилтон му беше потребно да освои осум поени повеќе од својот најблизок ривал, колегата Валтери Ботас, но најдобар знак за доминацијата беше тоа што тој успеа да го мине Финецот за цел круг.
Саботните квалификации завршија така што Ленс Строл во Рејсинг поинт беше на првото место, кое често критикуваниот Канаѓанец успеа да го заддржи во половина трка, која стартуваше на влажна патека и постојано под закана на дожд. Меѓутоа, Хамилтон, кој стартуваше како шести, полека успеа да ги мине сите пред себе, вклучувајќи го и колегата Валтери Ботас за да се искачи на првото место.
Утеха за Рејсинг поинт може да биде второто место на Серхио Перез, човек кој нема место за 2021, кој успеа да ги остави зад себе необично брзите возачи на Ферари во неверојатно драматична завршница во последниот круг. Шарл Леклер успеа да го помине Перез по неговата грешка, но потоа веднаш и тој направи грешка, со што Мексиканецот го заддржа второто место, а на подиумот сосема неочекувано се најде Себастијан Фетел!
Во поени беа и Карлос Саинс Јуниор (Мерцедес), несреќниот Макс Ферстапен (Ред бул), Алекс Албон (Ред бул), Лендо Норис во вториот Мерцедес пред Строл на деветтото место и Даниел Рикардо во Рено.
The emotions spill out, as @LewisHamilton conquers the world for the seventh time ❤️?#TurkishGP ?? #F1 pic.twitter.com/KzqVKysLqL
— Formula 1 (@F1) November 15, 2020
Vettel congratulating Lewis Hamilton on his 7th title ?#TurkishGP pic.twitter.com/AkWD9T6MU3
— tami. (@Vetteleclerc) November 15, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Турски милионер го купува Марибор
Турскиот милионер Ацун Иликали наскоро ќе го заврши преземањето на словенечки Марибор.
„Ги почитувам и другите клубови, Мура е успешен клуб, Олимпија е добро познато име во Европа, исто така и Марибор“, изјави тој за Спортклу Словенија“.
„На крајот морате да донесете одлука, баравме и размислувавме два месеци, но сега мислам дека тимот и јас одлучивме дека ова е вистинскиот проект со одлични навивачи, одлични луѓе и голем град. Ми беше многу важно да имам аеродром во близина бидејќи постојано патувам. Мал аеродром да доаѓам и заминувам, а работа да не трпи. Јас сум луд по фудбал и сакам да гледам што повеќе натпревари“.
Ова значи дека Марибор за прв пат во својата историја ќе има странски инвеститор.
Марибор 16 пати беше шампион на Словенија, освои девет Купа и четири словенечки Суперкупа, а три пати играше во групната фаза од Лигата на шампионите. Сезонава не им оди баш најдобро, се само третопласирани зад Целје и Олимпија.
Иликали веќе е сопственик на англиски Хал Сити, а претходно раководеше со холандската Фортуна Ситард и ирскиот Шелбурн.
Сопственик е на ТВ каналите TВ8 и TВ8.5, како и на турската дигитална платформа „Ексен“. Од 2018 до 2021 година тој беше на листата на 500 највлијателни бизнисмени во медиумскиот и забавниот сектор.
Спорт
Литванија со НБА ѕвезди во напад на олимписката виза
Домантас Сабонис и Јонас Валанчиунас сакаат да играат за Литванија на квалификацискиот турнир за Олимписките игри во Париз, изјави селекторот на кошаркарската репрезентација на оваа земја, Казис Максвитис.
„Имаа тешка сезона во НБА. Разговарав со двајцата, ме побараа планови за подготовка. Националниот Сојуз ги усогласува сите услови околу осигурувањето. Ветија дека ќе играат“, изјави Максвитис.
Сабонис и Валанчиунас последен пат заедно играа за Литванија на ЕП 2022 година. Валанчунас играше, додека Сабонис го пропушти СП минатат година.
Сабонис е член на Сакраменто кој не успеа да се пласира во НБА плеј-офот. Литванскиот кошаркар сезонава во НБА лигата имаше просек од 19,4 поени, 13,7 скока и 8,2 асистенции по натпревар.
Валанчиунас е кошаркар на Њу Орлеанс кој беше елиминиран од Оклахома во првото коло од НБА плеј-офот. Оваа сезона имаше просек од 12,2 поени и 8,8 скока по натпревар.
Литванија ќе игра во групата А на олимпискиот квалификациски турнир во Порторико против Мексико и Брегот на Слоновата Коска. Во групата Б ќе играат Порторико, Бахреин и Италија.
Турнирот ќе се игра од втори до седми јули, а на ОИ ќе се квалификува само победникот на турнирот.
Победникот на турнирот на Олимписките игри во Париз ќе игра со селекциите на Србија, Соединетите Американски Држави и Јужен Судан.
Спорт
Клаузула од милијарда евра за еден од најголемите светски таленти
Пау Кубарси (17) е новиот супер талент клупската академија на Барселона, Ла Масија. Шпанскиот стопер оваа сезона забележа 30 настапи за тпрвиот тим.
Кубарси има договор со Барселона до јуни 2026 година, а трансфер инсајдерот, Фабрицио Романо најави дека клубот сака што е можно побргу фудбалерто да потпише нов договор.
Деко, спортскиот директор на Барселона, ги договорил условите со менаџеорот на Кубарси пред две недели. Романо откри дека моментално се средуваат деталите и дека
тинејџерот наскоро треба да потпише договор кој ќе има вградена откупна клаузула од една милијарда евра.
Секако, Барселона не мисли дека некој ќе ја плати таа сума за играчот, туку сака да го заштити за да не може некој да му и „украде“ во случај да стави помала клаузула.
„Трансфермаркт“, веб-страница специјализирана за вредноста на фудбалерите, го проценува Кубарси на 25 милиони евра.