Спорт
Жоан Мир стана Мото ГП шампион во „најчудната“ сезона во историјата
Шпанецот Жоан Мир е новиот Мото ГП шампион, откако и седмото место на претпоследната трка од лудата сезона 2021 во Валенсија му беше доволно да направи недостижна предност пред ривалите.
Мир, поранешниот Мото3 шампион, е првиот шампион на Сузуки од 2000 и од Кени Робертс Јуниор, во сезона која во никој случај не беше вообичаена – прво остана без апсолутниот доминатор последните сезони, Марк Маркез кој двапати се повреди и потврди дека не се враќа оваа сезона, а потоа следуваше и скратената сезона поради КОВИД-19 пандемијата.
На последната трка до својата трета победа во 2020 стигна Италијанецот Франко Морбидели, но сепак, остана 29 поени зад Мир, кој од 12. место на стартот стигна до седмото место за осигурување на трофејот. Морбидели во последниот круг ја изддржа битката со Џек Милер во Прамак Дукати а пред Мир беа и Пол Еспаргаро, Алекс Ринс, Брад Биндер и Мигуел Оливеира.
Мир беше долго лидер во генерален пласман оваа сезона и покрај тоа што својата прва победа ја забележа минатиот викенд на истата патека „Рикардо Тормо“, во сезона во која имавме дури девет различни победници.
Главен ривал на Мир оваа сезона му беше Фабио Квартараро на Јамаха, кој имаше фуриозен старт на сезоната со две победи, но Французинот потоа беше страшно непостојан и не ја заврши трката во Валенсија излетувајќи од патеката. Ова е само петта сезона во кариерата на Мир, по двете во Мото3, една во Мото2 и две во Мото ГП. Неговата победа во Валенсија беше негова прва од 2017 кога ја освои Мото3 титулата.
Мир признаваше дека е исфрустриран од тоа што му недостасува победа и велеше дека не сака да освои титула без победа, до која конечно стигна минатата недела. Притисок?
„Луѓето кои не можат да си платат сметки, тоа е вистински притисок, ние тука вршиме само работа“, изјави 23-годишниот Мир минатиот викенд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Интер сериозно заинтересиран за голманот на Бразил
Бразилскиот голман Бенто (24), максимално ја искористи шансата која му се укажа по повредите на Алисон Бекер и Едерсон.
Бенто го бранеше голот на Бразил на неодамнешните пријателски натпревари против Англија (1:0) и Шпанија (3:3).
Она што го демонстрираше на „Вембли“ и „Сантијаго Бернабеу“ не мина незабележано, иако од претходно е на радарот на европските клубови. Наводно интерес за Бенто покажуваат Интер, Челзи, Нотингем Форест.
Бразилските медиуми пишуваат дека Атлетико Параненсе за него ќе бара отштета од 20.000.000 евра, а италијанските медиуми пренесуваат дека најблиску до него е Интер. Во клубот сметаат дека добро е Јан Сомер да добие силна конкуренција, а исто така Бразилецот би бич залог за иднината бидејќи има само 24 години.
Спорт
Јувентус најде тренер за следната сезона
Болоња е хитот на сезоната во Серија А. Тимот кој од клупата го предводи Тиаго Мота се бори за место во Лигата на шампионите. Она што е извесно е дека Мота на крајот од сезоната ќе ја напушти Болоња.
Медиумите на Апенинскиот полуостров го поврзуваа со Милан, но тоа нема да се случи. Поранешниот фудбалер на Интер, во овој момент е најблиску до клупата на Јувентус.
Мота ќе го наследи Масимилијано Алегри од чија работа во клубот од Торино не се задоволни.
До пред два месеци Јувентус се тркаше со Интер за шампионската титула, но откако на последните осум натпревари „старата дама“ забележа една победа, тимот на Алегри сега се бори за второот место со Милан.
Наводно, челниците на Јувентус и Алегри спогодбено ќе го раскинат неговиот договор кој важи до јуни 2025 година. За да се реализираа ова работа, двете страни треба само да ја договорат оштетата која ќе му биде исплатена на тренерот.
Спорт
Проблеми за Сити пред дербито со Арсенал – шестмина првотимци повредени
Пеп Гвардиола го нарече предизвикот да се одбрани тројната круна „невозможен“, но неговиот Манчестер сити сè уште е во конкуренција за сите три големи трофеи. Во Премиер лигата заостанува бод зад лидерите Ливерпул и Арсенал, во полуфиналето на ФА Купот Сити игра против Челзи, додека во Лигата на шампионите трета сезона по ред игра против Реал Мадрид.
Во недела, Сити ќе го одигра еден од најзначајните натпревари во сезоната, во Манчестер доаѓа Арсенал.
Репрезентативната пауза му донесе големи проблеми на Гвардиола. Шестмина со повреди се вратија воклубот. Станува збор за норвешкиот напаѓач Ерлинг Халанд, Англичаните Џон Стоунс и Кајл Вокер и двајцата Португалци Рубен Дијаш и Бернардо Силва.
Сите тие се под знак прашалник за големото дерби каде Сити може да го прескокне тимот на поранешниот помошник на Гвардиола, Микел Артета. Заедно со шестмината, репрезентативната пауза поради претходни повреди ја прескокнаа и Кевин Де Брујн и Мануел Аканџи.