Спорт
Македонија во победничка низа – преку Естонците за заддржување на првото место
Македонската фудбалска репрезентација, само неколку дена по легендарната победа во Грузија и пласманот на Европското првенство, стигна до нова победа, овојпат со 2:1 над Естонија за да се заддржи првото место во групата 2 во Ц-Лигата на нации на УЕФА.
Иако без Горан Пандев, Аријан Адеми, Езѓан Алиоски и Столе Димитриевски, селекторот Игор Ангеловски не ги одмори другите репрезентативци кои беа на гостувањето во Тбилиси, бидејќи со победа над Естонците, кои не намачија за 3:3 реми во првиот меч, го заддржуваме првото место и имаме шанса да влеземе во Лига Б следната сезона.
Македонија е прва со 9 поени во групата, додека од 18 часот играат Грузија и Ерменија. За нас сега следува гостувањето кај Ерменија во среда, каде што ќе се одлучува дали ќе успееме да влеземе во Лига Б, каде што би не чекале многу посилни репрезентации.
Во релативно неинтересното прво полувреме, сепак, најубавите шанси беа на македонските репрезентативци. Иван Тричковски, овојпат како капитен на тимот, во 29. минута од мечот со прекрасен гол донесе водство за „рисовите“, пред неколку минути подоцна да има уште една шанса која ја одбрани гостинскиот голман Карл Хајн.
Второто полувреме не почна најдобро за нас, откако Рауно Сапинен во 52. минута од мечот постигна фантастичен гол со лоб удар за да го измами Шишковски на голот. По влегувањето во игра на Костадинов и Стојановски во 59. минута се крена темпото на игра и се нижеа напади на голот на Естонците, каде што Хајн беше одличен. Токму Стојановски во 68. минута, конечно, го скрши отпорот на гостите, по една одлична асистенција на Елиф Елмас. И по ова имавме неколку убави шанси преку Стојановски и Љупче Дориев, но резултатот остана ист.
ЛИГА НА НАЦИИ, ЛИГА Ц, ГРУПА 2
Македонија – Естонија 2:1
Грузија – Ерменија 18.00 ч.
Табела: 1.Македонија 9, 2.Грузија 6, 3.Ерменија 5, 4.Естонија 3
Фото: ФФМ
?? 1-0 ??
Le but macédonien.@FrMacedonien pic.twitter.com/x13mBRjqaM
— ?? Eesti Football FR ?? (@EestiFr) November 15, 2020
??North Macedonia 1-[1] Estonia??
Rauno Sappinen 52′ pic.twitter.com/OgRJc1yzXb— Jugadores Promesas (@Laligaspain2) November 15, 2020
??North Macedonia [2]-1 Estonia??
Boban Nikolov 69′ pic.twitter.com/RdAV001SBG— Jugadores Promesas (@Laligaspain2) November 15, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Олимпијакос е последниот патник на завршниот турнир – Грците ја добија мајсторката во Барселона
Кошаркарите на Олимпијакос ја совладаа Барселона, во мајсторката одиграна во Каталонија со 63:59 и се пласираа на завршниот турнир во Евролигата, кој ќе се одржи од 24-26. ќе се одржи во Берлин во мај.
Грчкиот тим, кој вторпат победи на гостински терен во четвртфиналната серија со Барса, на тој начин им се придружи на Реал Мадрид, Панатинаикос и Фенербахче кои претходно се пласираа во Берлин.
Избраниците на Јоргос Баркокас трета година по ред се пласираа на завршниот турнир во Евролигата.
Претходната година беа поразени во финалето од Реал, а годината претходно беа елиминирани во полуфиналето од Анадолу Ефес кој подцна ја освои титулата.
Ривал на Олимпијакос во полуфиналето ќе биде Реал и тоа ќе биде реприза на финалето од минатата сезона од Каунас.
Вечерва во Блауграна, двата тима одиграа исклучително тврд и дисциплиниран натпревар во кој доминираа одбраните.
Олимпијакос во сердишницата од решевачката четвртина со серија поени и добра одбрана со која ги затворија сите патишта до нивниот обрач направија клучен исчекор кон победата.
Серијата од 8:0 во тој налет се покажа како клучна.
Две тројки постигнаа гостите во тој интервал, по една Мекисик и Папаниколау.
Барса, не се предаде, а пропушти одлична можност да го израмни резултатот кога Грците водеа со 57:54. Потоа Абрињес го повлече нападот, но Мекисик му ја „украде“ топката за во продолжение Милутинов да остане сам во рекетото на противникот и со забицвање да ја запечати победата на Олимпијакос.
Српскиот центар го заврши мечот со 10 поени (4/5 за два, 2/4 слободни фрлања), 10 скокови, две асистенции и блокада за убедливо највисок индекс на корисност 26 за 25 минути на теренот, Мекисик постигна 12. (2/4 за три), Папаниколау 11 (3/6 за три).
Само Лапровитола со 17 (3/8 за два, 2/7 за три) со седум скока и четир асистенции и Алекс Абринес со 13 поени (3/3 за два, 2/5 за три) во Барселона постигнаа двоцифрен број на поени.
Спорт
(Видео) Хоселу го реши трилерот во Мадрид – Реал е во финалето на ЛШ
Реал Мадрид 18.пат во клупската историја ќе се бори за трофејот во Купо/Лигата на шампионите. Вечерва на „Сантијаго Бернабеу“ во инфаркт завршница го победи Баерн со 2:1. Апсолутен херој на Реал е искусниот напаѓач Хоселу, кој со головите во 88. и 91.минута направи пресврт, откако Баерн поведе со голот на Дејвис во 68.минута.
Реал Мадрид за трофејот ќе игра против Борусија Дортмунд на 1 јуни во Лондон, на „Вембли“.
IM SPEECHLESS JOSELU THIS IS THE GREATEST PERFORMANCE EVER pic.twitter.com/bkUsielbaP
— WolfRMFC (@WolfRMFC) May 8, 2024
Спорт
Ракометарите убедливо поразени од Фарските Острови
Ракометната репрезентација на Македонија ќе има тешка задача да избори пласман на Светското првенство. Вечерва во Торшван, Фарските Острови ја победија Македонија со 34:27.
Македонија, во дуелот со репрезентацијата која беше најпријатното изнеандување на последното Европско првенство, во ниту еден момент не беше конкурентна.
Од стартот македонските ракометари му дозволија да го наметне својот стил на игра. Одбраната немаше решение за играчот на Кил, Скипаготу кој постигна десет гола.
Македонија ја рпедводеше Филип Кузмановски со осум постигнати гола, Митев постигна пет, а Никола Костески четири.
Реванш натпреварот во Скопје се игра в недела од 19:00 часот.