Спорт
РНЛ, сепак, пресилни за Еурофарм Пелистер
Еурофарм Пелистер доживеа очекуван висок пораз на гостувањето кај првите фаворити во нивната група во ЕХФ Лига Европа, Рајн-Некар Левен, губејќи со 28:20 (14:11).
По првичното водство од 0:1, и одличните први десетина минути во кои држеа ритам со далеку пореномираниот противник, РНЛ направи предност од три гола на полувреме (14:11), која подоцна ја зголемуваше до конечните 28:20. За бундеслигашот, кој е на второто место на табелата во Германија, Каспар Фајгел имаше 7 гола, а Уве Генсхајмер додаде шест, додека за македонскиот клуб, најефикасен беше Јосип Периќ со пет гола.
По три меча во новото натпреварување на ЕХФ, Пелистер има едно реми и два порази, откако претходно во два меча со Кадетен и ГОГ испуштаа водство во последните минути од мечот. Следен противник за тимот на Жељко Бабиќ е гостувањето кај словенечкиот Требње следниот вторник.
Vintage Schmid! @RNLoewen are keeping guests, Pelister, at arm's length so far #ehfel
WATCH: https://t.co/q5EBoiqR8i pic.twitter.com/Eb8PpxAxRM
— EHF European League (@ehfel_official) November 24, 2020
Фото: РК Еурофарм Пелистер
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Лејкерси го отпуштија тренерот
Лос Анџелес Лејкерс му врачија отказ на тренерот Дарвин Хем. Отказот е последица на елиминацијата, во првата плеј-оф рунда од актуелните шампиони Денвер Нагетс.
За две сезони на кормилото на Лејкерс, Хем забележа 90 победи и 74 порази, минатата сезона стигна до конференциското финале и беше елиминиран од Денвер со 4:0, исто му се случи и оваа сезона, разликата беше само што Лејкерс успеаја да добијат еден натпревар.
Исто така Лејкерси со Хем го освоија турнирот кој се одржува во текот на сезоната во НБА.
Претходно Хем беше асистент во Милвоки Бакс, Атланта Хокс и ЛА Лејкерс.
Спорт
На тренерот на Будуќност му се заканиле со киднапирање на ќерката: Ќе ја фрлиме во река
Црногорскиот фудбал долго време се наоѓа при дното во Европа, но ова што се случува во изминатите два месеци нема никаква врска со фудбалот.
Во црногорскиот фудбал во последно време имаше многу скандали, дивеењето на навивачите на Сутјеска во Тиват, тепачката меѓу играчите по завршувањето на натпреварот меѓу Бокељ и Ком, потоа тепачката меѓу челниците на клубовите Арсенал и Морнар во Тиват, инцидентото што го предизвика голманот на Будуќност, Ѓорѓија Пваличиќ кога нокаутираше соиграч…
Тренерот на Будуќност, Иван Брновиќ поднесе кривична пријава против непознато лице, бидејќи добил информација дека неговата ќерка е киднапирана и дека ќе биде фрлена во река доколку не плати 20.000 евра.
Се испоставило дека неговото 13-годишно дете е безбедно, но заканата била сфатена сериозно, но без сомнение Брновиќ и целото семејство се во во страв.
Заканите биле испратени по тренингот, кога тренерот требало да има средба со навивачката група на клубот, наречена „Варвари“, но таа била откажана поради грозоморните закани.
Спорт
Куртоа се враќа, но нема да брани во Лигата на шампионите
Првиот голман на Реал Мадрид, Белгиецот Тибо Куртоа би требало да се врати во првиот тим по тешката повреда на коленото, изјави на прес-конференција тренерот на Реал, Карло Анчелоти.
Реал игра против Кадиз во шпанската лига и тоа треба да биде првиот натпревар на Куртоа за „кралскиот клуб“ оваа сезона.
Анчелоти изјави дека Куртоа нема да брани во Лигата на шампионите.
Андриј Лунин е првиот избор на тренрот во среда, кога Реал во Мадрид ќе го одигра полуфиналниот реванш против Баерн.
Украинецот беше одличен за Реал во елитното европско натпреварување и Анчелоти не сака да го користи Куртоа кој штотуку се врати по тешката повреда.
На прашањето кој ќе брани доколку Реал влезе во финалето на Лигата на шампионите, Анчелоти одговори: „Не знам“.