Спорт
ЛШ: Барса со Брајтвајт и Јуве со Мората во осминафинале, Халанд е незапирлив!
Барселона и без Лионел Меси во составот, ја забележа четвртата победа во четири кола во Лигата на шампионите, овојпат со 3:0 кај Динамо Киев за да се пласира во осминафиналето заедно со Јувентус, каде што многу блиску се и Манчестер јунајтед и Борусија Дортмунд по убедливите победи со кои останаа на врвот во своите групи.
Тимот на Роналд Куман беше на мета на критики по најлошиот старт на сезоната во Ла лига по речиси две децении, но затоа Лигата на шампионите одлично им одговара и без капитенот Лео Меси. Ѕвезда на вечерта во Киев беше Мартин Брејтвајт, откако Данецот постигна два гола во второто полувреме и му асистираше на Сержињо Дест за убедливиот триумф.
Јувентус, пак, им се приклучи на Каталонците по драматичната 2:1 победа дома над Ференцварош. Акцијата беше во првото полувреме кога прво Мирто Узуни го донесе унгарскиот тим во водство со провокативно славење, пред Кристијано Роналдо со убав гол да израмни на 1:1. „Бјанконерите“ не успеваа да го скршат отпорот на Ференцварош до 94. минута, кога Алваро Мората беше „џокерот“ на Андреа Пирло за пласман во осминафинале.
„Рехабилитација“ доживеаја и Манчестер јунајтед, кои со 4:1 ги совладаа Башакшехир, одмаздувајќи им се за гостинскиот пораз и заддржувајќи предност од три поени пред ПСЖ и Лајпциг. Бруно Фернандеш постигна еден фантастичен, еден среќен гол во првото полувреме, за Маркус Рашфорд од пенал да зголеми на 3:0. Во Париз пак, во меч кој мораа да го добијат, ПСЖ стигнаа до минимална 1:0 победа над Лајпциг благодарение на голот од пенал на Нејмар.
Ерлинг Халанд, пак, е незапирлива гол-машина – по четирите гола против Херта во текот на викендот, тој постигна уште два гола при 3:0 победата на Дортмунд над Бриж за да се заддржи првото место на табелат пред Лацио, кои со 3:1 го совладаа Зенит.
ЛИГА НА ШАМПИОНИ, 4.КОЛО
ГРУПА Ф
Борусија Дортмунд – Клуб Бриж 3:0
Лацио – Зенит 3:1
Табела: 1.Борусија Д. 9, 2.Лацио 8, 3.Бриж 4, 3.Зенит 1
ГРУПА Г
Динамо Киев – Барселона 0:4
Јувентус – Ференцварош 2:1
Табела: 1.Барселона 12, 2.Јувентус 9, 3.Ференцварош 1, 4.Динамо Киев 1
ГРУПА Х
Манчестер јунајтед – Башакшехир 3:1
Пари Сен-Жермен – РБ Лајпциг 1:0
Табела: 1.Манчестер ј. 9, 2.ПСЖ 6, 3.РБ Лајпциг 6, 4.Башакшехир 3
ДИНАМО КИЕВ – БАРСЕЛОНА
МАНЧЕСТЕР Ј. – БАШАКШЕХИР
ЈУВЕНТУС – ФЕРЕНЦВАРОШ
ДОРТМУНД – БРИЖ
ПСЖ – ЛАЈПЦИГ
ЛАЦИО – ЗЕНИТ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.