Спорт
Кошмарна трка во Бахреин, триумф на Хамилтон, Грожан извади „жива глава“
Трка полна со инциденти се возеше на патеката во Бахреин ова попладне.
На триумф се радуваше шампионот Луис Хамилтон, но се чини дека победата е во сенка на инцидентите кои ја следеа трката.
Грожан уште во првиот круг доживеаја страшна несреќа. Се удри во заштитната ограда, по што неговиот болид се преполови и се запали. За негова среќа, првичните информации се дека помина само со мали изгореници.
Се возеше седмиот круг од трката, која доживеа голем прекин додека се исчисти патеката по нсреќата на Грожан, па возачот на Рејсинг Поинт, Ленс Строл по еден судир со Квјат ја заврши трката со превртен болид.
Неговиот клупски колега, Серхио Перез исто така имаше лош ден во Бахреин. На 3 круга до крајот се запали неговиот мотор, па мораше да го паркира болидот и на тој начин остана без бодови.
Хамилтон извози колку што е потребно за нова победа, беше лидер од почеток до крај. Ја прослави 11-тата победа сезонава.
Втор низ целта на трката во Бахреин заврши Макс Ферстапен од Ред бул.
Александер Албон се искачи на подиум, по вторпат во кариерата. Денешната трка ја заврши како трет.
Хамилтон, Ботас и Ферстапен се првите тројца во генерален пласман, а до крајот на оваа сезона преостануваат уште две трки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Сити му нуди нов договор на Де Брујне
Челниците Манчестер сити планира да му понуди продолжување на договорот на белгискиот фудбалски репрезентативец Кевин де Брујне до јуни 2026 година, пренесуваат британските медиуми.
Де Брујне (32) има договор со Манчестер сити до 30 јуни 2025 година.
Некои британски медиуми неодамна објавија дека челниците на „Граѓаните“ би можеле да го продат белгискиот фудбалер на крајот на сезоната, а интерес за Брујне покажаа клубови од МЛС лигата и Саудиска Арабија.
Сепак, британски „Мирор“, пренесува дека Де Брујне не е подготвен да го напушти Манчестер сити, смета дека на 32-годишна возрат се уште е подготвен да игра на највисоко ниво.
Де Брујне пристигна во Манчестер во 2015 година од Волфсбург за 75 милиони евра.
Белгискиот репрезентативец сезонава имаше проблеми со повредите, поради што за Манчестер сити одигра само 26 натпревари во сите натпреварувања и постигна шест гола.
Спорт
Вардар преку баражот избори опстанок во Првата лига
Фото/ facebook.com/FKVardarSkopje
Фудбалерите на Вардар и наредната сезона ќе се натпреваруваат во Првата македонска фудбаска лига. Попладнево на стадионот „Младост“ во Струмица, славеа во баражот за опстанок против Детониот со 2:0 (2:0).
Вардар на теренот во Струмица, пред голем број свои навивачи покажа дека е поквалитетен тим од Детонит.
Во првото полувреме ги реши сите дилеми околу победникот.
Еден блиц криг во периодот од 42. до 45.минута им беше доволен на црвено-црните да ја обезбедат победата кога мрежата на Детонит ја погодија Ѓуриќ и Шушњара.
Спорт
(Видео) Саутемптон се врати во Премиер лигата
Саутемптон експресно се врати во Премиер лигата. Во финалето на плеј-офот на „Вембли“, пред повеќе од 85.000 гледачи, Саутемптон го победи Лидс јунајтед со 1:0 (1:0).
Натпреварот „вреден“ 178.000.000 фунти, беше извореден и на трибините и на теренот.
Саутемптон натпревар го доби со голот на Адам Амстронг во 24.минута. За напаѓачот на „светците“ ова беша 24. гол оваа сезона.
Тимот предводен од клупата на Шкотланѓанецот Расел Мартин реши иницијативата и поседот да му ги препушти на Лидс и шансите да ги бара преку контранападите. А „Светците“ се бранеа доста добро и организирано.
Предноста можеа да ја зголемат во 68. минута, но Ендози од 15 метри шутираше над голот на Лидс.
Лидс имаше фантастична можност за израмнување во 84. минута, кога Даниел Џејмс шутираше силно од повеќе од 20 метри, Саутемптон тогаш имаше голема среќа, топката од гредата се одби во поле.
Да потсетиме, минатата сезона од Премиер лигата испаднаа Лидс и Саутемптон, заедно со Лестер. „Лисиците“ се вратија во елитата како првопласирана екипа на Чемпионшип, покрај нив директен пласман избори Ипсвич, а Саутемптон преку плеј-офот. Од Премиер лигата испаднаа Лутон, Барнли и Шефилд јунајтед.