Против 19- годишниот Антонија Ѓ. жител на селото Десово, општина Долнени, полицијата поднесе кривична пријава поради сомнение дека сторил кривично дело полов напад врз малолетник кој не наполнил 14 години.

Случајот во полицијата во селото Ропотово вчера попладнето околу 17 часот го пријавила мајката на злоупотребеното 13-годишно девојче.

Според портпаролот на СВР Битола, Ѓоко Стрезовски, полицијата веднаш заминала на местото на настанот и констатирала дека околу 17 часот девојчето штом се упатило кај соседите, било пресретнато од 19 годишниот Антонија Ѓ.

„Прво го намамил да му пријде со изговор да му даде пари за да му купи сок. Откако девојчето се доближило до терасата од куќата на осомничениот, тој насила го зграпчил, го внесол во домот и ги заклучил вратите. На девојчето му ја врзал устата со ткаенина, го турнал на креветот и го силувал“, појасни Стрезовски.

Девојчето му пружало отпор на силувачот и викало за помош. Нејзиното викање го слушнала мајка и’ која во тој момент поминувала покрај куќата.

„Осомничениот тогаш се обидел да го внесе девојчето во друга просторија. Тогаш таа се оттргнала и побегнала надвор кон мајка си“, додава Стрезовски.

Полицијата го фатила осомничениот 19-годишник, го привела, а во средата е предаден на истражен судија./крај/бб