Оманскиот центар за поморска безбедност соопшти дека нафтениот танкер „Skylight“, кој плови под знамето на Палау, бил нападнат на околу пет наутички милји од оманскиот полуостров Мусандам.

Четири лица се ранети, а целиот екипаж од 20 лица е евакуиран, јавија локалните медиуми.

Засега нема други информации.

Оманските државни медиуми претходно јавија дека пристаниште Дукм било нападнато со два дрона, при што бил повреден еден работник. Тоа беше првиот таков напад врз заливската земја од избувнувањето на воените непријателства меѓу Израел, САД и Иран, пренесе ДПА.

Оман го осуди нападот и нагласи дека ќе ги преземе сите неопходни мерки за да ја заштити земјата и безбедноста на нејзините жители.

Оман дејствуваше како посредник во индиректните преговори одржани на почетокот на неделава меѓу САД и Иран.

Оман е членка на Советот за соработка во Заливот, предводен од Саудиска Арабија.

Саудиска Арабија, Катар, Обединетите Арапски Емирати, Бахреин и Кувајт, кои се членки на оваа групација сојузничка на САД, пријавија ирански напади на нивните територии откако САД и Израел вчера почнаа воена кампања против Иран.

Ирански телевизиски водител се расплака во живо додека ја соопштуваше веста за смртта на врховниот лидер на Иран, ајатолахот Али Хамнеи, кој загина во заедничките напади што, според иранските власти, ги извршиле САД и Израел во саботата.

Видно потресен, водителот изјави:

„Бог е голем. Бог е голем. Со длабока тага ја известуваме иранската нација дека великиот ајатолах Али Хамнеи, врховен лидер на Исламската револуција, денес беше маченички убиен во заеднички злосторнички напад од страна на САД и ционистичкиот режим.“

Во текот на обраќањето, од студиото се слушале гласови и плач надвор од кадар, додека водителот ја информирал јавноста за смртта на Хамнеи.

Anchor breaks down while announcing the death of Iran’s supreme leader Ayatollah #Khameini #Khameini_ir pic.twitter.com/mtBBJhQZp0

— aditi tyagi (@aditi_tyagi) March 1, 2026

Во петокот вечерта во швајцарскиот град Ембрах (кантон Цирих) се случи сериозен инцидент во кој 24-годишен државјанин на Косово со нож повреди 30-годишен маж од Македонија. Нападот се случил пред очите на минувачите на железничката станица.

Драмата започнала околу 17:50 часот кога, според првичните информации од полицијата, избувнала жестока вербална расправија меѓу две жени и еден маж. Ситуацијата ескалирала кога друг маж се вмешал во конфликтот. Во тој момент, 24-годишниот осомничен извадил нож и го повредил 30-годишникот.

Повредениот бил итно префрлен во блиска болница со брза помош. Иако степенот на повредите не е официјално објавен, полицијата потврди дека мажот бил хоспитализиран веднаш по нападот.

По крвавиот инцидент, сторителот успеал да избега од местото на настанот, што предизвикало итна полициска потрага низ целиот кантон. Сепак, слободата била краткотрајна. Благодарение на брзата координација на безбедносните служби, осомничениот бил пронајден и уапсен приближно два часа подоцна во кантонот Швиц.

Кантонската полиција во Цирих и надлежното јавно обвинителство отворија истрага за да се утврди точниот мотив за нападот, како и хронологијата на настаните што довеле до повредувањето на Македонецот.

Поради полициската истрага, пристапот до железничката станица во Ембрах беше привремено ограничен во петокот вечерта, предизвикувајќи помали прекини во сообраќајот.