Европа
Украина официјално призна учество на странски наемници во борбите
Украинските сили официјално признаа дека во операцијата во источна Украина против бунтовниците учествуваа и странци, но истакнаа дека не се користи странска воена техника и опрема, пишува во средата РИА Новости, откако претходно претставник на самопрогласената Народна Република Луганск обвини дека странски платеници со нивна воена опрема се борат против проруските ткн народни милиции на самоодбраната.
Агенцијата притоа забележува дека порано министерството за надворешни работи на Украина објави дека странски државјани не учествуваат во ткн „антитерористичка“ операција што во источниот дел од земјата ја спроведува украинската армија. Украинското разузнавање, исто така, уште во мај истакна дека властите во Киев не регрутираат странски државјани за борбените операции во земјата.„Не е вистина дека се употребува странска воена опрема. А дека постојат странски претставници кои земаат учество во антитерористичката операција, не еднаш беше соопштено. Има и државјани на Италија, Грузија, Белорусија и директно од самата Русија (…) Техника, тенкови и друго (странско) вооружување во украинската армија нема“, изјави во средата за РИА Новости портпаролот на воената операција на украинската армија, Алексеј Дмитрашковски, додавајќи дека странците за војниците обезбедиле само термовизиски камери и оптички уреди. Претходно во средата Владимир Степанов, помошникот командант на баталјонот „Призрак“ на самопрогласената Народна Република Донецк изјави дека странски платеници, меѓу кои го потенцираше присуството на државјани на Полска, се борат на страната на украинските безбедносни сили користејќи странска воена опрема.Украинскиот портпарол не можел да ги коментира информациите во медиумите дека меѓу странците кои војуваат на украинска страна има државјани на Полска. „Не можам точно да одговорам, јас не поседувам такви информации, во кои баталјони има странци и од кои земји се. Тоа што го пишуваат медиумите, тоа можам да го потврдам. Другото е неопходно да се утврди непосредно во баталјоните“, рекол Дмитрашковски. /крај/мф/сн
Извор: РИА Новости
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.