Свет
Нов Зеланд прогласи вонредна климатска состојба

Новозеландската влада прогласи вонредна климатска состојба во земјата.
Декларацијата се темели на истражувањата на Меѓувладин панел за климатски промени за потребите за драстично намалување на глобалните емисии, за да се избегне затоплувањето од 1,5 степени Целзиусови.
Нов Зеланд им се придружи на 32 земји, вклучително и Канада, Франција и Велика Британија, кои прогласија вонредна состојба поради климатските промени.
„Ова е научна декларација. Оваа декларација е потврда за идните генерации. Потврда за товарот што ќе го носат ако веднаш нешто не преземеме“, изјави премиерката Џакинда Ардерн во парламентот.
Тој симболичен чекор, направен во време кога владата објави дека јавниот сектор ќе мора да постигне неутралност на јаглеродот до 2025 година.
Агенциите ќе мора да ги мерат и да ги објавуваат своите емисии и да компензираат за сè што не можат да скратат, објави Ардерн во соопштението.
„Барањето јавниот сектор да постигне неутралност на јаглерод во рок од пет години ја покажува посветеноста и подготвеноста на Владата за итно дејствување во борбата против климатските промени“, рече премиерката.
Лабуристите, Зелените и партијата Маори гласаа за декларацијата, што беше повеќе од доволно за мнозинство, додека АКТ и Националната партија беа против.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.