Свет
(Видео) Експлозија на цистерна со нафта во саудиско пристаниште
Бродската компанија „Хафнија“ со седиште во Сингапур соопшти дека нејзиниот танкер „BW Rhine“ бил погоден од неидентификуван проектил при истовар на гориво.
Проектилот предизвикал пожар, додека танкерот бил во саудиското пристаниште Џеда.
Бродот бил погоден од проектил истрелан од непозната локација околу 40 минути по полноќ и предизвикал пожар, наведуваат од компанијата, пренесува „Ројтерс“.
„Можно е да има истечено малку нафта од цистерната, но контролните мерења кои беа извршени по гасењето на пожарот покажаа дека количината на нафта по експлозијата е идентична со натоварената количина“, се вели во соопштението на компанијата.
Explosion at the Saudi Arabian port of Jeddah#SaudiArabia pic.twitter.com/ucsNLKB2zs
— Shahara Islam Fatema (@S_I_Fatema) December 14, 2020
На 6 декември околу 60.000 тони гориво, или 68 проценти од капацитетот на бродот, беа натоварени на цистерната во пристаништето Јанбу.
Ниту една група не презеде одговорност за наводниот напад, но познато е дека неодамна бунтовниците Хути од соседен Јемен ги интензивираа прекуграничните напади врз саудиските цели, бидејќи Ријад спроведува воена кампања против нив веќе пет години.
Бродската компанија објави дека пожарот е изгасен и дека помошта е пружена од противпожарната бригада од брегот, пренесе АФП.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.