Црна хроника
Кривични пријави за малолетниците што го нападнаа возилото на итната медицинска помош
Министерството за внатрешни работи поднесе кривични пријави за С.Р. (17), Ф.Л. (16) и В.Ј. (17), сите од Скопје, поради основано сомневање дека на 31-ви декември, во алкохолизирана состојба нападнале возило и екипа на Итна медицинска помош, при што е извршено оштетување на возилото, а на возачот, Д.Т. (54), му се нанесени тешки телесни повреди.
Според информациите од МВР, незадоволството на малолетниците од услугата која ја добиле за прославата на Новата година во објектот во кој ја дочекале, резултирало со кршење на чаши и шишиња, при што еден од нив си ја исекол дланката. Потоа тројцата обвинети го пресретнале возилото на Брзата медицинска помош, кое брзало да стигне на адреса на истата улица за каде што претходно добиле повик, и побарале на повредениот да му биде санирана повредата. Откако биле одбиени почнале со раце и нозе да го демолираат возилото при што ги искршиле двата задни прозорци, стои во соопштението од МВР.
Возачот на возилото на Итна медицинска помош, излегол од возилото и почнала вербална расправија помеѓу нив, која прераснала во тепачка, во која Д.Т. го извлече подебелиот крај.
Медицински лица кои биле со возачот за време на немилиот настан, во пријавата како и во дадените изјави, го потврдуваат целиот настан, но негираат дека Д.Т. го нападнал С.Р./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Следел женско лице а од канцеларијата и го украл и мобилниот телефон: кривична за маж од Дебар
ОВР Дебар поднесе кривична пријава против У.Ф.(63) од Дебар.
Toj се сомничи за сторени кривични дела „кражба“ и „демнење“.
63-годишниот маж извесно време следел женско лице од Дебар, а на 07.05.2024 од работната канцеларија ѝ го одзел мобилниот телефон.
Црна хроника
Им ветувал виза за странска земја: измамникот од Скопје им земал по 1.000 евра од лице
Надворешната канцеларија за криминалистички работи Кичево поднесе кривична пријава против А.А.(41) од Скопје, поради постоење основи на сомнение за сторено кривично дело „измама“.
Во период од септември 2023 година досега, пријавениот со намера да се стекне со противправна имотна корист, со лажно прикажување на факти дека ќе им обезбеди виза за странска земја измамил три лица и за тоа зел по 1.000 евра од лице.
Имено, пријавениот ги измамил лицата дека преку социјална мрежа од агенција ќе добијат термин за виза, но тоа не се случило.
Црна хроника
Oд струен удар загина 65-годишен маж во Скопје
Синоќа во 19.40 часот во Полициската станица Кисела Вода било пријавено дека во домот на подрачјето на Кисела Вода бил пронајден починат М.Т.(65) од Скопје.
Смрт констатирал лекар од Итна медицинска помош, а увид извршила екипа од СВР Скопје.
По наредба на јавен обвинител, телото на починатиот било дадено на обдукција, при што е утврдено дека причина за смртта бил струен удар.