Црна хроника
Австриските граничари спречија шверц на 18 тони чоколада
Уште еден случај на обид за кражба и шверц од големи размери во австриската прехранбена индустрија е спречен во петокот, кога тамошната царинска служба заплениlа 18 тони чоколада, јавува во саботата Associated Press.
Претходно кон крајот на јуни годинава, австриската гранична полиција објави дека спречила шверц преку границата со Унгарија, на речиси 10 тони украден лук, а пред тоа, полицијата заплени комбе со еден тон јагоди коишто крадците ги собраа преку ноќ на една од локалните фарми.
Овој пат, крадците украле 33 контејнери со млечна чоколада. Тие фалсификувале документи за товарот и возачот, исто така со лажни документи, се обидел да го пренесе пленот во Чешка во приколка со словачки регистарски ознаки, но веќе искусните австриски граничари ја откриле измамата Се уште не е познато од каде крадците успеале да украдат толку големо количество чоколада./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Возило од Албанија излетало од патот во Струшко: повредени се повеќе лица
Утрово во 08.10 часот, на магистралниот пат Ќафасан – Подмолје, кај клучката за струшкото село Радожда, патничко возило „мерцедес“ со албански национални ознаки, управувано од Ѓ.А.(55) од Елбасан, Република Албанија, излетало надвор од коловозот.
Во несреќата, со тешки телесни повреди се здобил совозачот Б.Х.(31), а со телесни повреди се здобиле возачот Ѓ.А. и сопатниците М.Џ.(51), Ц.П.(34)и Д.Х.(24), сите од Република Албанија, констатирани во болницата „Св.Еразмо“ во Охрид.
Надлежните информираат дека увид извршиле полициски екипи.
Црна хроника
Во оптек пуштил лажни евра: уапсен маж од Кичевско
Вчера во 03.00 часот, во казино на булеварот „Туристичка“ во Охрид, од слобода бил лишен Р.Б.(28) од кичевското село Долно Страгомиште.
Тој се сомничи дека во оптек пуштил лажни евра кои сакал да ги прикажи како вистинити, со што сторил кривично дело „фалсификување пари“, според член 268 од Кривичниот законик.
Полицијата соопшти дека против него ќе биде поднесена соодветна пријава.
Црна хроника
Жена од Скопско тешко повредена: ја прегазил трактор
Вчера во 18.55 часот во СВР Скопје, било пријавено дека во с.Р`жаничино, скопско, трактор „ИМТ“ со скопски регистарски ознаки, управуван од Г.К.(50) од с.Р`жаничино, удрил во пешакот С.Л.(57) од истото село.
Во несреќата со тешки телесни повреди се здобила С.Л., констатирани во Комплекс клиники „Мајка Тереза“ Скопје.
Извршен бил увид од увидна екипа од СВР Скопје.