Спорт
Вонземјанин! Стеф Кари даде 105 тројки без утка!
Повредите кои го мачеа во последно време можеби ги натераа НБА фановите да заборават каков кошаркар е Стеф Кари, но ѕвездата на Голден Стејт вориорс како да сакаше да ги потсети со неверојатното видео кое го сподели тимот од тренинг на Кари, во кој тој постигнува 105 тројки без промашување, односно шутира повеќе од пет минути пред да згреши!
Двократниот МВП на НБА лигата, останува рекордер со најмногу тројки во една сезона (402), но минатата сезона одигра само пет меча поради повреда.
Вориорс на снимка ги имаат „само“ последните 103 тројки, кои ги брои неговиот долгогодишен асистент Брус Фрејзер, додека тренерот Стив Кер слушна за подвигот подоцна.
„Мислам дека претходниот рекорд беше 77. Тоа е навистина лудо. Не знам дали уште постои Гинисовата книга на рекорди, која ми беше омилена кога растев. Имаме видео да го докажеме тоа“, вели Кер.
5+ minutes without a miss.
Stephen. Curry. pic.twitter.com/8DV0z5gtib
— Golden State Warriors (@warriors) December 26, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Луис Енрике: Фудбалот понекогаш е толку нефер
Борусија Дортмунд е во финалето на Лигата на шампионите. Двата полуфинални натпревари против ПСЖ, Борусија ги доби со 1:0.
На „Паркот на принцовите“, победникот го реши голот што го постигна Матс Хумелс во 50. минута.
Ова ќе биде трето финале во Лигата на шампионите за Борусија. Во првата, во 1997 година, го победија Јувентус со 3:1, а во 2013 година загубија со 2:1 од Баерн.
На првиот натпревар во Дортмунд, ПСЖ погоди две стативи, а во Париз само во вториот дел уште четири пати ја погодија рамката на голот.
„Морам да бидам искрен и да кажам дека моравме да го добиеме натпреварот. Имавме 30 удари кон голот, дури четири пати ја погодивме стативата. Фудбалот понекогаш е толку неправеден“, изјави тренерот на ПСЖ, Луис Енрике за „ТНТ“ по натпреварот и продолжи.
„Честитки за нив. Тие се одличен тим и се надевам дека ќе победат во финалето. Мораме да се регрупираме и да создадеме нешто посебно и да се вратиме следната сезона и да го освоиме ова натпреварување”.
Спорт
Видео на денот – Марко Ројс како водач на навивачите
Борусија Дортмунд ја пишува приказната на сезоната во Европа, а во центарот на вниманието е клупската легенда Марко Ројс.
Во пресрет на реваншот со Пари Сен Жермен, Ројс официјално објави дека го напушта саканиот клуб на крајот на сезоната, по истекот на договорот.
Не можеше да замисли подобро збогување од финалето на Лигата на шампионите на „Вембли“, каде што беше актер и во 2013 година во поразот од Баерн Минхен.
Токму затоа ова е видеото на денот, Марко Ројс го предводи навивањето по победата над „светците“ во Париз.
Борусија славеше со голот на уште еден ветеран, Матс Хумелс и со вкупен резултат 2:0 се пласира во финалето.
🇩🇪 Marco Reus celebrating with the Dortmund fans last night… 🫂🗣️
𝙄𝙣𝙘𝙧𝙚𝙙𝙞𝙗𝙡𝙚. ⚫️🟡 pic.twitter.com/laOKT95VvJ
— PurelyFootball ℗ (@PurelyFootball) May 8, 2024
Спорт
Реал и Баерн на „Сантијаго Бернабеу“ за пласман во финалето
Вечерва во Мадрид ќе биде познат вториот финалист во Лигата на шампионите.
На стадионот „Сантијаго Бернабеу“ ќе се сретнат Реал Мадрид и Баерн Минхен во реваншот од полуфиналето на Лигата на шампионите.
Првиот натпревар одигран на Алијанц Арената заврши со резултат 2:2.
„Кралскиот клуб“ ќе влезе покомплетен во натпреварот со оглед на тоа што надвор од терените ќе биде само Давид Алаба.
Од друга страна, Томас Тухел нема да може да смета на Рафаел Гереиро и Кингсли Коман, додека знак прашалник ќе биде Дајот Упамекано.
Мадриѓаните сигурно ќе влезат во натпреварот како фаворити, но Баерн покажа дека има доволно квалитет да ги изненади своите ривали и да се обиде да стигне до своето прво финале по 2020 година.
Баерн и Реал досега имаат одиграно 27 натпревари во Лигата на шампионите, што го прави нивното ривалство најголемо во историјата на ова натпреварување.
Во претходните полуфинални натпревари Баерн беше поуспешен и во четири наврати одеше понатаму, додека Реал три пати стигна до финалето кога Баварците му биле противник во полуфиналето. Реал ги доби последните две меѓусебни соочувања во полуфиналето.
Реал е за нијанса подобар во вкупниот скор со 12 победи, додека Баерн има 11, четири натпревари завршиле нерешено.
Победникот на 1. јуни во Лондон на „Вембли“ стадионот, против Борсија Дортмунд ќе игра за европската круна.