Црна хроника
Тешко повредено осумгодишно дете во Велес
Детето е повредено во сообраќајна несреќа што се случи на раскрсницата кај Гимназијата, кога настрада цело семејство
од Дијана Иванова, Велес
Повреденото семејство заедно преминувало преку улицата. кога на нив налетал автомобил марка „голф“ со велешки регистарски таблички управуван од 60-годишниот Т.Р од Велес. Тригодишно дете заврши со сериозни повреди и уште четворица патници се повредени во тешката сообраќајна незгода што во сабота навечер се случи на главната сообраќајница во Велес. Поради сериозноста на повредите опасни по живот, на малолетното дете му била укажана помош во велешката болница и веднаш било транспортирано на скопската Хирушка клиника.Со полесни повреди се здобиле уште едно осумгодишно дете, М.Ѓ (33), А.Ѓ (59) и Р.Ѓ (57) од Велес. Сообраќајката се случила околу 19.40 часот на улица „Благој Ѓорев“ , пред ресторант „Панини“. На лице место е направен увид од истражните органи. Анализите и резултатите од увидот ќе треба да ги утврдат причините за сообраќајката. Првичните информации се дека возачот на голфот не ги пропуштил пешаците кои улицата ја преминувале на одбележан пешачки премин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Гостиварец измамен за сума од 760 евра: преку социјалните мрежи собирал пари за лекување во странство
Вчера во 14.40 часот во ОВР Гостивар, 31-годишен гостиварец пријавил дека бил измамен од едно лице за сума од 760 евра.
Според пријавеното, околу 09.00 часот лицето се јавило преку социјална мрежа и се претставило како Р.М. од Република Србија, кој работел во хуманитарна организација. Како што е пријавено, лицето го видело апелот за помош за негово лекување во странство и сакало да помогне со донација на поголем износ, но било потребно прво тој да уплати 760 евра бидејќи таква била процедурата.
Исто така, според пријавеното, откако ги пратил парите преку брз трансфер на пари, лицето го блокирало, по што сфатил дека е измамен.
Полицијата соопшти дека се преземаат мерки за расчистување на случајот.
Црна хроника
Тепачка во интернат во Битола: таткото го претепал цимерот на својот син
Во СВР Битола вчера во 14.00 часот Ј.Б.(41) од Кичево пријавил дека во неговата соба во интернат во Битола, неговиот малолетен син бил физички нападнат од М.Г.(37) од Вевчани, татко на неговиот цимер.
Полицијата соопшти дека се преземаат мерки за расчистување на случајот.
Црна хроника
Кривична за геометар од Струга: изработил лажно решение за приватизација на градежно земјиште
ОВР Струга поднесе кривична пријава против Р.А.(39) од Струга поради постоење основи на сомнение за сторени кривични дела „фалсификување исправа” и „злоупотреба на службена положба и овластувања“.
Тој, во својство на помлад референт – геометар во Министерството за финансии, Управа за имотно – правни работи во Струга, изработил лажно решение за приватизација на градежно земјиште по основ стекната со надомест, внел број од друг предмет, своерачно се потпишал и во име на овластениот потписник, фалсификувајќи го неговиот потпис, и го втиснал службениот печат од Министерството за финансии за првостепена постапка.
Изготвеното лажно решение на 29.05.2024 година го испратил во Одделение за катастар на недвижности во Струга со намера да биде катастарски впишано и спроведено, додека архивираниот предмет, чиј број го искористил, веднаш го уништил.