Спорт
Меси, Рамос, Агуеро, Алаба…наредната година ќе бидат слободни играчи
Фудбалерите чии договорни обврски со клубовите истекуваа по завршувањето на сезоната 2020/2021, за 48 часа се стекуваат со право да преговараат со други тимови. На оваа листа има неколку врвни фудбалски имиња, а ја предводат капитените на Барселона и Реал, Лионел Меси и Серхио Рамос.
Меси, минатото лето, изрази желба да ја напушти Барселона, но на крајот остана на „Ноу Камп“. Тој во јуни наредната година ќе може како слободен играч да замине од клубот. Неодамна изјави дека одлуката ќе ја донесе по одржувањето на претседателските избори во клубот, кои се закажани за 24.јануари.
Без договор ќе остане и Серхио Рамос, но барем засега најреална е опцијата тој да остане на „Сантијаго Бернабеу“ и во наредните две години.
Слободен играч ќе биде и Серхио Агуеро, кој цела деценија го носи дресот на Манчестер сити. Медиумите во Англија шпекулираат дека Аргентинецот ќе го напушти клубот по завршувањето на сезоната.
Наредната сезона нов клуб ќе има и Давид Алаба. Австриецот не успеа да се договори со Баерн Минхен, поточно клубот не сакаше да ги исполни неговите мегаломански барања. Алаба сака годишна плата од 20 до 25 милиони евра.
Месут Езил, во 2021 година сигурно ќе има нов клуб. Езил не е во плановите на Микел Артета, нема одиграно натпревар девет месеци. Реално е клубот да му дозволи да си замине во овој преоден рок.
Слободен играч е и капитенот на Лион, Мемфис Депај. Овој напаѓач најчесто се поврзува со Барселона, но во Италија тврдат дека Холанѓанецот ќе се обиде да го донесе Јувентус.
Уште еден играч се поврзува со Барселона, тоа е сонародникот на Депај, Жоржињо Вајналдум. Него му истекува договорот, но тој се надева дека Ливерпул ќе му понудат продолжување на соработката.
Аркадијуш Милик од Наполи, слично како и Езил, ќе го напушти клубот во актуелниот преоден рок. Или барем тој тоа го сака. Наполи бара за него 15 милиони евра, то е превисока сума за играч, кој за шест месеци ќе биде бесплатен на пазарот.
Статус на слободни играчи во јуни ќе имаат и Џанлуиџи Донарума, Флоријан Тован, Џеси Лингард, Шкдран Мустафи, Џером Боатенг, Ерик гарсија, Лука Модриќ, Јулијан Дракслер…
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Струга Трим Лум спогодбено се раздели со тренерот Дуро
Извор/ facebook.com/Fcstruga
Актуелниот македонски шампион, Струга Трим Лум, на три кола до крајот на сезоната се раздели со тренерот Шпетим Дуро.
Стружани, во изминатиот период играа во променлива форма, а вчера во 30.коло доживеаја пораз од Тиквеш во Кавадарци (3:2). Овој пораз му пресуди на Дуро, кој со клубот договорил спогодбен раскин на соработката.
„ФК Струга му се заблагодарува на Дуро за придонесот во периодот додека го водеше нашиот тим во домашното првенство и европските натпреварувања, му посакуваме и многу успеси“, стои меѓудругото во клупското соопштение објавено на „Фејсбук“.
Во последните три кола Струга, Шкупи и Шкендија влегуваат со по 58 бода.
Спорт
(Видео) ФК Шкупи: Секоја недела некој ни ги краде бодовите
Извор / facebook.com/fcshkupi1927
Шкупи, вечера во 30.коло доживеа пораз во Гостивар (2:0). Клубот изрази незадоволство од судењето, со тврдење дека неколку пати сезонава клубот бил жртва на судиските грешки. Во Шкупи се сигурни дека вчера против Гостивар им бил поништен регуларен гол при резултат 1:0.
Шкупи и покрај поразот се уште е во трка за шампионската титула. Шкендија, Струга и Шкупи во финишот на сезоната влегуваат израмнети со по 58 бода. Во наредното коло, Шкупи ќе го пречека директниот конкурент, Шкендија.
„Како може да се направат толку многу грешки против една екипа?
Секоја недела доживуваме различни грешки од судиите. Секоја недела некој излегува и ни ги краде бодовите.
Ова не е случајно. Тоа се планирани и програмирани акции насочени кон саботирање на нашиот успех. Инаку, како може да се направат толку многу грешки против една екипа?
Секоја недела се соочуваме со различни и валкани трикови и се обидуваме сами да се бориме. За жал, видовме дека Шкупи е осамен тим и ова им дава можност на сите.
Тие што се појавуваат во близина на Шкупи всушност стојат пред Шкупи. Дали тимот може да губи бодови на секој натпревар поради судиски грешки или надворешни фактори? За жал, ова се случува во нашите натпревари.
Ниту политичарите кои тврдат дека се скопјани, ниту оние кои раководат со фудбалот не покажуваат никаква реакција на оваа ситуација, на овие отворени, свесни и намерни валкани напади и постапки, додека ние чекориме сами по овој пат.
Овој театар, оваа валкана игра е многу досадна. И да сме сами, оваа борба ќе ја водиме до крај, не е важно против кого е. Ќе се бориме за работата на нашите фудбалери, за нашата работа, за фудбалот, за амблемот Шкупи, за екипата на Шкупи. Сега се е јасно, јасно е што сите сакаат да прават.
Сега знаеме се, свесни сме за се и имаме се во нашиот тефтер“, објави клубот од Чаир на својот профил на сицијалната мрежа „Фејсбук“.
Спорт
Себаљос го напушта Реал, се договорил со Атлетико
Дани Себаљос по завршувањето на сезоната ќе го напушти Реал Мадрид. Шпанските медиуми тврдат дека тој карирата ќе ја продолжи во Атлетико, градскиот ривал на Реал.
Себаљос, во Реал пристигна во 2017 година, како МВП на Европското првенство за фудбалери до 21 година. Но, во конкуренцијата каква што владее во Реал, во редт за врска, не успеа да се избори за место во тимот.
Реал го испраќање на позајмици, најпродуктивен беше во Арсенал, но „тобџиите“ сепак не го откупија неговиот договор.
Оваа сезона, тренерот Карло Анчелоти воопшто не смета на него. Минатиот петок го започна натпреварот против Реал Сосиедад, откако претходно во целата сезона одигра само пет минути во првенството.
Незадоволен од статусот и по разговорот со Анчелоти, добил дозовола да го напушти клубот.
Шпанските медиуми тврдат дека тој веќе се договорил со Атлетико. Сега челниците на „јорганџиите“ ќе треба да се договорат со реал околу обесштетувањето. Се шпекулира дека сумата би требала да биде помеѓу 8 и 10.000.000 евра.
Низ историјата ретки се трансферите на реалција Реал-Атлетико и обратно. Последен таков трансфер се случи во 2019 година, кога Маркос Љоренте за 30.000.000 милиони евра од Реал се пресели во Атлетико.