Спорт
Најкраткото деби во Премиер лигата го има голман на Манчестер јунајтед

Ник Калкин вели дека се гордее на тоа што го поседува еден од најбизарните рекорди во Премиер лигата – најкраткото деби во англиската елита.
Во сезоната 1999/2000 поранешниот јуниор на Јорк сити го имаше првото и единствено појавување во дресот на Манчестер јунајтед, и тоа на гости кај Арсенал на стариот „Хајбери“. Сер Алекс Фергусон го стави дебитантот во игра при 2:1 победата над Арсенал кога Мартин Кион го шутна првиот голман Рајмонд ван дер Гоув в лице и тој не можеше да ги заврши последните минути на мечот.
Тогаш на сцената стапи Калкин – влезе во игра, ја шутна топката пред судијата Греем Пол да означи крај на мечот. Калкин не е лут што тоа му бил единствен настап за Јунајтед.
„Физиотерапевтот побара замена, а Фергусон ми се сврте и ми кажа – ајде Ник, спремај се. Не бев ниту загреан, но знаев дека тоа е моја шанса. Бев подготвен, но само што ја шутнав топката, беше крај. Тоа беше мојата кариера во Манчестер јунајтед. Знаев дека нема да го заменам Петер Шмајхел, но беше убаво како млад да се шета низ Европа. Одевме со авиони, во хотели, бев дел од најголемиот клуб на светот“, вели Калкин.
По ова, тој играше како позајмен во Хал, Бристол роверс и Ливингстон, пред да се пресели во Квинс Парк Ренџерс во 2002, но поради повреда, се пензионира на 26 години.
— Out of Context Manchester United (@nocontextunited) January 3, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Рино Гатузо ја презеде репрезентацијата на Италија

Италија официјално доби нов селектор. Во наредниот период, Азурите ќе ги води долгогодишниот репрезентативец на оваа земја, Џенаро Гатузо.
Еден од најомилените синови на италијанскиот фудбал, синоним за бескомпромисна борбеност, го презеде жешкиот компир.
По шокантниот почеток на квалификациите за Светското првенство и убедливиот пораз од Норвешка (3:0), Италијанската фудбалска асоцијација одлучи да му се заблагодари на Лучано Спалети и да го замени со поранешниот играч на Милан.
За разлика од неговата играчка кариера, која беше полна со трофеи, не само клупски со Милан, туку и со репрезентацијата (стана светски првак во 2006 година), Гатузо како тренер нема забележителни резултати. Од 2013 година, тој раководеше со дури девет клуба, а во ниту еден од нив не успеа да заврши две сезони.
Неговата последна работа беше во Хајдук, а претходно ги водеше Сион, Палермо, ОФИ, Пиза, Милан, Наполи, Валенсија и Олимпик Марсеј. Тој освои само еден трофеј, Купот на Италија со Наполи.
Спорт
„Мијатовиќ ми го направи животот неподнослив“

Поранешниот играч на Реал Мадрид, Иван Елгера, упати сериозни обвинувања против Предраг Мијатовиќ.
Шпанскиот фудбалер ја отвори душата во подкаст, каде што зборуваше за сите тешки моменти во дресот на Реал Мадрид, со кој освои две Лиги на шампиони. Животот му го загорчил Предраг Мијатовиќ, кој во тој период беше спортски директор на Реал.
„Управата, особено претседателот, и еден поранешен играч од кого не го очекував тоа, кој тогаш беше спортски директор, Мијатовиќ, ми го одзедоа бројот и ми рекоа дека повеќе нема да играм. Ми го направија животот неподнослив. Навистина не знам зошто. Ми рекоа дека нема да играм и дека сакаат да ме продадат. Имав тригодишен договор, не разбирав, бидејќи штотуку ја освоив лигата и играв“, рече Елгера, кој потоа продолжи:
„Емоционално, бев уништен. Главата ми зборуваше, дека ме уништуваат и дека ми го уништуваат животот. Претседателот дури и не ме поздравуваше, а јас играв.“
Во тие моменти, Елгера доби поддршка од тогашниот тренер Иван Елгера, но поради големиот притисок што го трпеше од други луѓе, мораше да се пресели во редовите на Валенсија.
„Тие луѓе ми велат дека не можат ниту да ме стават на тренинг. Следната година, Мијатовиќ ми рече дека повторно ми го одземаат бројот и дека повторно ќе ми го направат животот неподнослив. И тогаш се појави Валенсија. Всушност, дури и не одев на состаноците бидејќи тензијата можеше да биде преголема.“
Спорт
Расел пред Ферстапен на пол-позицијата во Канада

Возачот на Мерцедес, Џорџ Расел, ја освои пол-позицијата пред Големата награда на Канада, 10-та трка од овогодинешното првенство во Формула 1.
На патеката „Жил Вилнев“, Британецот го забележа својот прв триумф во квалификациите оваа сезона, со круг од 1:10.899 минути, со десетинка и половина предност пред Макс Ферстапен во болидот на Ред Бул. Третото време го оставри лидерот во генералниот пласман на Оскар Пјастри, кој беше 61 илјадити дел од секундата зад бранителот на титулата. Одличните квалификации на Мерцедес ги надополни тинејџерот Андреа Кими Антонели кој го забележа четвртото најбрзо време.
Покрај големата битка за пол-позицијата, квалификациите во Монтреал беа обележани и со лошиот пласман на еден од главните претенденти за титулата покрај Пјастри и Ферстапен, Ландо Норис во вториот Мекларен.
Британецот и на тренизите се мачеше, правеше премногу грешки, истото му се случи и во третата квалификациска сесија и заврши седми, повеќе од седум десетинки од секундата зад Расел. По првите четворица следеа седумкратниот светски шампион Луис Хамилтон во Ферари и Фернандо Алонсо во Астон Мартин.
На крајот, осми беше возачот на Ферари, Шарл Леклер, кој покажа одлична брзина во одредени моменти, но направи грешка во последниот брзи круг, што го чинеше и место во првиот ред.
Топ 10 го комплетираа Исак Хаџар од Рејсинг Булс, кој го забави Карлос Саинц Јуниор во првиот дел од квалификациите и сигурно ќе добие казна, и Алекс Албон во болидот на Вилијамс.
Трката за Големата награда на Канада се вози внедела од 20 часот по средноевропско време.