Спорт
„Нула“ на „Енфилд“, Јунајтед останува лидер
Ливерпул и Манчестер јунајтед одиграа дерби без голови (0:0) на „Енфилд“ за гостите да останат на првото место во Премиер лигата во меч во кој дефинитивно беше потребна поголема возбуда и поотворена игра од двата тима.
Ливерпул на Јирген Клоп, очекувано, почнаа со притисок од стартот на мечот, и Роберто Фирмино имаше одлична шанса, додека Јунајтед се задоволија со „умртвување“ на играта на домаќините и најдобрата шанса ја имаше Бруно Фернандеш со слободниот удар од 20-тина метри кој помина покрај стативата.
И второто полувреме помина во сличен ритам, со доминација во поседот на „црвените“, но без конкретни резултати. Хери Мегваер беше одличен во одбраната кога ги блокираше двата обиди на Фирмино и Салах на почетокот на второто полувреме, а во 75. минута, Јунајтед се заканија преку Бруно Фернандеш, но Алисон беше на место. Во 83. минута, Ван-Бисака одлично го пронајде Погба, кој шутираше директно во Алисон.
Јунајтед остануваат први со 37 поени, Лестер се втори со 35, Ливерпул се трети со 34, Тотенхем имаат 33, а Манчестер сити 32 во неверојатно тесната трка за титулата во Премиер лигата оваа сезона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Фати во јануари ќе замине од Барселона, имал понуди од САД и Саудиска Арабија
Ансу Фати беше претставен како наследник на Лионел Меси, ја доби „десетката“ кога Меси замина од Барселона, но потоа повредите целосно го уништија.
Откако поради три операции не играше цела година, Фати беше испратен на позајмица во Брајтон. И таму имаше проблем со повредите, поради што не играше многу кај тренерот Де Зерби. Летово се врати во Барселона со надеж дека ќе го послужи здравјето.
Ги мина подготовките, Ханси Флик Му даваше шанса на одредени натпревари и кога се чинеше дека се оди во добар смер, Фати се повреди на тренингот на Барселона, непосредно пред репрезентаивната пауза.
Медиумите тврдат дека Фати во јануари ќе ја напушти Барселона. Наводно Лионел Меси сака да го види во Интер Мајами, а младиот напаѓач доби понуда и од Саудиска Арабија, поточно Ал Наср за кој игра Кристијано Роналдо.
Фати има договор со Барселона до 2027 година со огромна откупна клаузула, но во ваква ситуација јасно е дека Барселона ќе прифати значитално помала сума.
Спорт
Салах: Ливерпул ме разочара, сè поблиску сум до заминување
Мохамед Салах блеска оваа сезона во дресот на Ливерпул. Со два гола беше најзаслужниот за победата на својот тим од 3:2 против Саутемптон, со која „црвените“ стекнаа осум поени предност во однос на најблискиот пратител на табелата, Манчестер сити.
Салах има договоро со Ливерпул до крајот на сезоната. Не крие дека е разочаран од она што сега се случува. Досега клубот не ги започнал преговорите околу новиот договор.
„Речиси е декември, а се уште не сум добил понуда да останам во клубот. Во моментов сум поблиску до заминување отколку да останам. Во клубот сум со години. Нема друг клуб како Ливерпул. Но, на крајот на денот, ништо не е во мои раце. Ги сакам навивачите, и тие ме сакаат мене, но на крајот не одлучуваме ниту јас, ниту навивачите“, изјави Салах.
Запрашан дали е разочаран од раководството на клубот, популарниот Мо беше јасен.
„Нормално. Нема наскоро да се пензионирам, па само тренирам и играм. Фокусиран сум на сезоната, сакаме да ја освоиме Премиер лигата и се надевам и Лигата на шампионите. Разочаран сум, но ќе видиме што ќе се случи“.
Спорт
Барселона најде замена за повредениот Лапорвитола
Кошаркарскиот клуб Барселона најде замена за повредениот Николас Лапровитола. Аргентинецот поради тешка повреда ја заврши сезоната. Во Барселона на неговото место дојде поранешен НБА кошаркар.
Договор со Барселона до крајот на сезоната потпиша 32-годишниот Бразилец, Раул Нето.
Бразилецот помина осум сезони во НБА, каде одигра 464 натпревари за Јута Џез, Филаделфија, Вашингтон Визардс и Кливленд Кавалирс.
Тој имаше просек од 5,7 поени со 2,1 асистенции и 1,5 скока за околу 15:30 минути по натпревар во регуларниот дел од сезоната.
Во Барса пристигна од Пињерос, каде по рехабилитацијата од повредата во пет натпревари во бразилската лига просечно бележеше 16,8 поени со 5 асистенции, 3,2 скока и 1,6 украдени топки.
Ова нема да му биде прво искуство во Шпанија, бидејќи претходно играше за Сан Себастијан (2011-2014) и Мурсија (2014-2015) пред да замине во НБА.
Нето летото 2023 година потпиша договор со Фенербахче, но не играше за Турците бидејќи се повреди на Мундијалот, а потоа спогодбено го раскина договорот.
Важно за Барса е што Нето добро го познава дефанзивецот Томаш Саторански со кој беше соиграч во Визардс, а се очекува да дебитира во четврток во Евролигата, во дербито против Реал Мадрид.