Спорт
Сејдини до Мојсовски: За ова, драг Наумче Мојсовски, се одговара

Претседателот на Фудбалската федерација на Македонија (ФФМ), Муамед Сејдини, на прес-конференција реагира на вчерашното соопштение на Агенцијата за млади и спорт (АМС).
АМС, вчера, ја извести јавноста за продолжување на неправилностите во работата на Фудбалската федерација на Македонија (ФФМ) спротивни од Законот за спортот, утврдени со инспекцискиот надзор извршен на денешен ден пред две години.
Сејдини вели дека дека решението на второстепената комисија е конечно и против него нема право на жалба, но дека има право на тужба против, на овој начин, донесениот управен акт.
ФФМ во согласност со законите поднесе тужба, со која поведе управен спор против државната комисија за одлучување во втор степен во врска со нејзиното решение.
Во продолжение е обраќањето на првиот човек на ФФМ, Муамед Сејдини.
„Со факти и одлука на хартија да им покажеме и потврдиме колку не знаат и колку не се срамат што не знаат.
За тоа, драг Наумче Мојсовски, директор на Агенцијата за млади и спорт – се одговара.
Во текот на вчерашниот ден, и до мене стигнаа шпекулации дека одредени претставници на клубовите од македонската лига се повикувани во државни институции, присилувани да потпишуваат некаква поддршка за бојкот на Генералното Изборно Собрание на Фудбалската федерација на Македонија, уценувани со поделбата на ваучерите. Шпекулациите одеа дотаму што на големо се споменуваше и името на Премиерот на нашата држава.
Одбивав да верувам во таквите „игри без граници“ сѐ додека не го прочитав соопштението од Агенцијата за млади и спорт објавено на нивната официјална страна.
Во известувањето од Агенцијата за млади и спорт се вели дека при извршен инспекциски надзор во Фудбалската федерација на Македонија се утврдени низа неправилности спротивно на Законот за спорт.
Наведуваат дека решението било обжалено и после сите институционални и законски процедури и рокови, жалбата беше отфрлена како неоснована од страна на Државната комисија за одлучување во втор степен во областа на инспекцискиот надзор и прекршочна постапка, со што Решението стана правосилно и извршно и против него не е дозволена жалба.
И сега доаѓаме до моментот од кој треба да се срамиме сите ние од начинот на кој постапуваат одредени наши инситуции, во овој случај највисокото државно тело за спорт.
Вистина е дека решението на второстепената комисија е конечно и против истото нема право на жалба. Но, има право на тужба против, на овој начин, донесениот управен акт.
Фудбалската федерација на Македонија согласно законите поднесе тужба со која поведе Управен спор против државната комисија за одлучување во втор степен во врска со нејзиното Решение.
И бидејќи овој „сакам кажам – не знам речам“ начин на комуникација е нивен избор, а ние „на сила“ сме принудени да се браниме од нешто што не е вистина, еве, тука пред вас и пред цела јавност ја објавувам пресудата од поднесената тужба против поништеното решение кое Агенцијата за млади и спорт најави дека ќе го спроведува.
Пресудата вели дека тужбата на тужителот Фудбалска федерација на Македонија СЕ УВАЖУВА. Решението се ПОНИШТУВА.
За ова, драг Наумче Мојсовски, директор на Агенција за млади и спорт се одговара.
За ваквиот начин на постапување се известени УЕФА и ФИФА, кои го следат овој случај од моментот кога се вршеше инспекцискиот надзор. Известени се за сите одлуки и начинот на кои се носени тие одлуки.
Не дај Боже, никој од нас не посакува, но чувствувам обврска да истакнам дека ваквото постапување може да донесе „квантен скок“ ама наназад за македонскиот фудбал и нашите репрезентации.
Причина за тоа нема да биде Фудбалската федерација на Македонија, ниту јас како претседател, туку срамното и слепо однесување на поединци и институции со цел да се стави рака врз Фудбалската федерација на Македонија.
На крајот, Ве уверувам дека Фудбалската федерација на Македонија ќе продолжи да се спротивставува на било каков притисок кој не доаѓа од фудбалското семејство. За сѐ друго сме отворени за соработка се цел продолжување на сонот кој го живееме“.
Фото/ffm.mk
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ренато Веига од Челзи се пресели во Виљареал

Потврдено е дека Ренато Веига (22) потпишал за Виљареал во трансфер вреден 29,5 милиони евра, вклучувајќи бонуси и клаузула за процент од идните продажби.
Трансферот на Веига е најскап во историјата на шпанскиот клуб, а португалскиот дефанзивец дојде од Челзи.
Претходниот рекорд го држеше Пако Алкасер, кого Виљареал го донесе од Борусија Дортмунд за 25 милиони евра во 2020 година.
Спорт
Леклер не верува дека Ферари сезонава може да заврши пред Мекларен

Шарлс Леклер, возачот на Ферари, изјави речиси да не постои шанса, неговиот тим да го победи во трка Мекларен оваа сезона.
Мекларен се неверојатени оваа сезона, тимот победи на 11 од 14 трки во сезоната (две победи има Ферстапен, една Расел), со што ја „зацврсти“ првата позиција во конкуренцијата на возачи и во конкуренцијата на конструктори.
Ферари се единствениот тим меѓу првите четири што не триумфирал на ниту една патека, а Леклер не верува дека има големи шанси тоа да се промени.
„Не верувам дека има една патека каде што сме побрзи од Мекларен. Тие беа најдобри во текот на целата сезона. Ред Бул имаше подеми и падови, па затоа се поблиску до нас и Мерцедес, а Мекларен е единствената константа. Засега, не гледам каде можеме да бидеме фаворити. Се надевам дека ќе бидам изненаден“, рече Леклер.
Ферари имаше многу проблеми оваа сезона и веќе некое време дури има гласини дека Луис Хамилтон би можел да се пензионира порано од очекуваното. Никој не очекуваше Ферари да биде на местото на Мекларен, но никој не веруваше дека ќе се мачат толку многу и дека Луис нема ниту еднаш да заврши меѓу најбрзите тројца.
Foto/ EPA
Спорт
Рубен Дијаш во Сити до 2029 година

Манчестер Сити заврши голема работа, бидејќи го продолжи договорот со стоперот на португалската репрезентација, Рубен Дијаш.
Брилијантниот Португалец потпиша нов договор до 2029 година. Значи, барем за него е јасно дека ќе ги преживее промените што веќе се случуваат на „Етихад“, особено во одбраната.
Рубен Дијаш дојде на „Етихад“ во 2020 година од Бенфика. Одигра 223 натпревари и постигна четири гола во сите натпреварувања.
Сити донесе четири нови дефанзивци во овој и претходниот преоден рок, а покрај заминувањето на Кајл Вокер од клубот, се очекуваат уште заминувања на играчи од задната линија. Деновиве сериозно се зборува за Мануел Аканџи, кој има понуда од Галатасарај и извесно е дека ќе го напушти клубот.
Откако ја завршија работата со Дијаш, клупските челници сега се насочија кон новиот договор на Родри. Шпанецот исто така треба да потпише до 2029 година, со значително поголема плата.
Foto/ „X“