Спорт
Ветеранот Хоакин му донесе бод на Бетис против Сосиедад
Реал Сосиедад и Бетис одиграа 2:2 во 20.коло, во ла Лига. Сосиедад продолжија со лошите резултати, не успеаја да победат иако до 86.минута имаа предност од 2:0. Бетис од друга страна немаа пораз од почетикот на годината.
Реал Сосиедад, во воведните десет минути од вториот гол, постигнаа два гола преку Александер Исак и Микел Ојерзабал. Потоа Порту не искористи добра шанса, а откако тренерот на Сосиедад од игра ги извади најдобрите играчи, Бетис постигна два гола.
Поранешниот играч на Сосиедад, Серхио Каналес, во 86.минута го намали резултатот, а бод на Бетис му донесе ветеранот Хоакин во 92 минута.
39-годишниот Хоакин, во 2003 година, кога Бетис последен пат победиле во Сан Себастијан, постигна два гола.
Реал Сосиедад се шести на табелата со 31 бод, Бетис на осмото место има 27.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Драма на релација Челзи-Џексон-Баерн Минхен

Се чинеше дека сè е завршено кога станува збор за позајмицата на Николас Џексон од Челзи во Баерн, но клубот од „Станфорд Бриџ“, реши да им направи неочекувани проблеми на фудбалерот и неговиот нов клуб.
Баерн издвои неверојатни 15 милиони евра за позајмицата на Џексон, на крајот од сезоната ќе може да го откупи за 65 милиони евра. Фудбалерот, на кого уште на почетокот на преодниот рок му беше кажано дека за него повеќе нема место на „Стенфорд Бриџ“, со задоволство ја прифати понудата од Минхен.
Челзи ја режираше драмата доцна синоќа, кога дознаа дека Лиам Делап, кој се повреди на натпреварот со Фулам, ќе отсуствува помеѓу четири и шест недели.
На колегите од Минхен и на Џексон им соопштија дека договорот отпаѓа и дека фудбалерот треба да се врати во Лондон. Џексон и неговиот менаџер, разбирливо, одбија да го сторат тоа. Порачаа дека се во Минхен и дека нема да се вратат во Лондон.
„Не сум во позиција да дејствувам. Ќе им кажеме на играчот и на агентот да се вратат во Лондон, тој е играч на Челзи. Во следните 48 часа ќе се обидеме да најдеме друго решение“, рече спортскиот директор на Баерн, Макс Еберл.
Германските медиуми тврдат дека алтернатива за Баерн е напаѓачот на Лајпциг, Луис Опенда.
Надеж за Џексон и Баерн дека спработката ќе биде официјализрана е информацијата дека доцна синоќа, Челзи со Брајтон постигнале договор за офанзивецот од редот за врска Факундо Буонаноте.
Аргентинецот на „Стемфорд Бриџ“ на позајмица ќе ја мине оваа сезона.
Спорт
Пакета пред трансфер во Астон Вила

Ако по утрото денот се познава, фудбалскиот клуб Вест Хем ќе има тешка сезона, нема да биде изненадување доколку клубот се бори за опстанок во Премиер лигата. Вест Хем стартуваше во новата сезона со два убедливи порази, а во последните часови од преодниот рок ќе остане без најдобриот играч, Лукас Пакета (28).
Астон Вила е блиску да го потпише Бразилецот. Како што објави Фабрицио Романо, понуден е пакет вреден околу 55 милиони евра. Вест Хем би сакал да го задржи Пакета, но тој сака да оди во Вила и се очекува трансферот да се реализира.
Бразилецот прво би заминал на позајмица, но Астон Вила би имал обврска да го откупи неговиот договор.
EPA/VINCE MIGNOTT
Спорт
Заврши Евробаскетот за Богдан Богдановиќ

Капитенот на кошаркарската репрезентација на Србија, Богдан Богдановиќ го заврши своето учество на Европското првенство, тврдат медиумите во оваа земја.
Како што пишува „Меридијан Спорт“, повикувајќи се на неименувани извори од Соединетите Американски Држави, Богдановиќ поради повреда нема да може да и помогне на својата репрезентација.
Му била дијагностицирана руптура на мускулот на тетивата, тврди претходно споменатиот извор, поради што нема да може да се врати во ротацијата на тимот на тренерот Светислав Пешиќ. Според прогнозите, Богдановиќ го очекува пауза од четири до шест недели.
Богдановиќ се повреди на крајот од првово полувреме од натпреварот од второто коло против Португалија.
Не се врати во вториот дел, по што го пропушти натпреварот и победата над Латвија (84:80).
— OvoOno (@OvoOnoX) August 29, 2025
Селекторот Пешиќ останува со намалена ротација од 11 играчи, но што е полошо, остана без лидерот на тимот и еден од неговите најдобри играчи и стрелци.
Србија следниот натпревар ќе го игра во понеделник против Чешка (20.15).
Foto/ FIBA