Спорт
Реал со четири гола го торпедираше Алавес

Фудбалерите на Реал Мадрид, без тренерот Џинедин Зидан, лесно го минаа гостувањето во Алавес. Реал, неочекувано лесно се справи со домаќинот, триумфот 1:4 го обезедија во првиот дел кога постигнаа три гола. Со овој триумф Реал со два натпревари повеќе има четири бода помалку од лидерот Атлетико.
Реал одиграа речиси совршено првото полувреме. Без Рамос и Карвахал во одбраната и тренерот Зидан кој е позитивен на коронавирусот, Реал во првиот дел создадоа шест шанси за гол, успеаја три пати да го совладаат Пачеко.
Серијата ја отвори Касемиро во 14. минута, а Алавес го нокаутираа Бензема и Азар, во 41 и 46.минута. Белгиецот го постигна вториот гол во Ла Лига оваа сезона.
Второто полувреме беше само формалност за Реал. Хоселу успеа да намали во 59.минута, а конечниот резултат го постави Бензема со својот втор гол во 70.минута.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Вест хем се врати на победите, овојпат „матиран“ Лидс

Откако прво ВАР системот им поништи два гола на Лидс јунајтед во првите седум минути игра, Вест хем јунајтед успеа да стигне до 2:0 победа за да се искачи на петтото место во Премиер лигата со само два поени заостанување зад четвртопласираниот Челси.
Тајлер Робертс во шестата минута и Патрик Бамфорд една минута подоцна постигнаа голови кои беа поништени поради офсајд, иако втората ситуација беше многу „сомнителна“. По ова следуваше пенал за „чеканите“ во 21. минута, кој го изведуваше Џеси Лингард, и иако Меслие му одбрани, одбиената топка позајмениот фудбалер на Манчестер јунајтед ја смести во мрежата. Ова е четврти гол во шест меча на Лингард за Вест хем. Само седум минути подоцна Крег Досон зголеми на 2:0, доволно за победа на тимот на Дејвид Мојс.
Лидс, за кои македонскиот репрезентативец Езѓан Алиоски го одигра второто полувреме, сега се на 11. место на табелата со 29 поени по два порази во низа и четири порази во последните пет натпревари.
Спорт
Интер не го дава врвот – Шкринијар за победа над Аталанта

Интер помина уште една голема пречка на патот до остварување на сонот, освојувањето на скудетото, откако со 1:0 ја совладаа Аталанта на „Сан Сиро“ за со победата над силниот ривал да ја вратат предноста од шест поени пред Милан по 26 од 38 кола во италијанската Серија А.
Аталанта веднаш покажа дека го направила краткиот пат до Милано со желба за победа, откако во првите 20-тина минути ја имаа контролата на топката, додека Интер чекаше шанса за контра-напад. Двата тима немаа многу шанси во првото полувреме, а во финишот почна да се игра поостро и пофизички цврсто.
Само што почна второто полувреме, во 54. минута, Милан Шкринијар се најде на вистинското место по една мешаница пред голот на гостите, за да ја смести топката во мрежата и да донесе предност за „нераѕурите“.
Интер сега има 62 поени на првото место во Серија А пред Милан (56), Јувентус (52) и Рома (50), додека Аталанта е на петтото место со 49 поени.
Serie A 🇮🇹
Gol de Inter
Skriniar ⚽
pic.twitter.com/4DQTJZrIOn— FutbolGol12 (@Gol12Futbol) March 8, 2021
Спорт
Бруно го дава дресот и копачките на аукција за пари за лекување на деца

Ѕвездата на Манчестер јунајтед, Бруно Фернандеш ги даде на аукција својот дрес и копачките од дерби победата над Манчестер сити во неделата во обид да собере милион долари за лекување на две болни деца.
Португалецот го постигна првиот гол на „Етихад“ при 0:2 победата со која Јунајтед ја прекина низата на Сити од 21 победа во низа, и сега се обидува да собере пари за лекување на две деца од Португалија, осумгодишната Жаиме и нејзиниот петгодишен брат Леонор, кои страдаат од редок тип на рак, неуробластома. Тој отвори „GoGetFunding“ страница за донации.
„Неодамна дознав за ситуацијата на Леонор и Жаиме. Како татко, ваква приказна ме потресе и не можам да ја замислам болката и агонијата на родителите. Добрите вести се дека ‘Детската болница’ во Филаделфија има иновативен третман со позитивни резултати. Сепак, цената е висока, 1 милион долари за двете деца. Затоа ве молам да помогнете“, напиша Фернандеш.
Would you like to win the boots and the shirt I wore today? Check the link bellow to see how you can get them by helping others.https://t.co/K8wJiWkUAS via @GoGetFunding
— Bruno Fernandes (@B_Fernandes8) March 7, 2021
- Книги3 месеци
Македонски лекар ја објави последната исповед на Јосип Броз Тито
- Македонија3 месеци
(Видео) Отстранети два нелегално изградени објекта во општина Центар
- Македонија3 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа2 недели
Планот за отклучување на Германија протече во медиумите, Меркел: Имаме трет бран
- Свет1 месец
Поради примање мито во Кина погубен поранешен државен функционер
- Економија4 недели
Сите брендови на Индитекс доаѓаат во „Ист гејт мол“