Спорт

Мекгрегор „јадеше“ брутален нокаут во втората рунда!

Објавено пред

1 месец

- 24 јануари, 2021

Од

Дастин Поаире го шокираше Конор Мекгрегор со нокаут во втората рунда на УФЦ 257, ставајќи брутален крај на новото враќање на ирската суперѕвезда во октагонот во Абу Даби.

Во првиот меч по една година, Мекгрегор се надеваше дека со победа ќе стане главен кандидат за УФЦ појасот во лесна категорија во можен римеч со стариот ривал Хабиб Нурмагомедов, но работите не тргнаа како треба, откако Поаире го „демонтираше“ со напад во втората рунда, прво „уништувајќи“ го со силен удар со левицата, пред со бараж удари да го заврши дуелот.

Ова беше вистинска одмазда за Поаире, по поразот во првиот меч во првата рунда во 2014 година. Во првата рунда, двајцата фајтери беа многу внимателни и ја држеа дистанцата. Поаире обезбеди брзо соборување, но Мекгрегор се врати бргу на нозе. Ирецот на отворено покажа дека е одличен боксер, погодувајќи го противникот со неколку чисти удари, но во втората рунда, балансот на силите беше поинаков, пред бруталниот крај на мечот.

Поразот дефинитивно значи дека Мекгрегор може да се прости со потенцијалниот римеч со Хабиб, кој изјавуваше дека е потребно нешто спектакуларно да го врати во УФЦ. Од друга страна, Поаире сега е кандидат за појасот кој уште е кај Хабиб, и следен противник може да му е Мајкл Чендлер, кој имаше спектакуларен нокаут над Ден Хукер во првата рунда во саботата навечер.

Full sequence of Dustin Poirier’s knockout of Connor McGregor #UFC257 pic.twitter.com/E3GXoSPFxc
— George Balekji (@GeorgeBalekji) January 24, 2021

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport топ-тема

Следно

Јокиќ блесна во маратонот со Санс, Дејвис за нова гостинска победа на Лејкерси

Претходно

Реал со четири гола го торпедираше Алавес

Спорт

Како идејата на Венгер за офсајди може да го смени фудбалот засекогаш

Објавено пред

54 минути

- 5 март, 2021

Од

TopSport.mk

Револуционерната идеја на поранешниот тренер на Арсенал, Арсен Венгер за менување на правилата за офсајд е презентирана пред ФИФА, и тие се подготвени да ја тестираат, во потег кој може да донесе огромна трансформација на модерниот фудбал.

Венгер, откако ги одби сите понуди да стане тренер или спортски директор во некој голем клуб, почна да работи како шеф за глобален развој на фудбалот на ФИФА и подолго време лобира за промена на офсајд правилата.

Што е идејата на Французинот? Многу едноставно – тој би сакал да нема офсајд додека напаѓачот со било кој дел од телото кој може да го искористи да постигне гол е израмнет со претпоследниот противник.

Според „Тајмс“, правилото ќе биде тестирано во засега неименувана кинеска лига со можност да се применува глобално во блиска иднина. Како би изгледало тоа? Примерот на Рахим Стерлинг на следната фотографија покажува дека тој не би бил во офсајд, бидејќи неговата петица е израмнета со Џон Мекгин. Според сегашните правила, ова дефинитивно би било офсајд

Претседателот на ФИФА, Џани Инфантино е отпимист.

„Кога се работи за офсајдот, со менување на играта, со брзината на играта и со воведување на ВАР, јасно е кога е офсајд или не. Без ВАР, судиите сами го одлучуваа тоа. Со новото правило би виделе малку повеќе напаѓачки фудбал. Со предлогот на Венгер, напаѓачите ќе имаат повеќе простор и ќе се фаворизира напаѓачки фудбал. Прво мора да се тестира и да се види влијанието на играта. Ако е позитивно, тогаш зошто да не?“, вели Инфантино.

Прикажи повеќе...

Спорт

Франко: Сопругата не ми веруваше дека го возев Ибра

Објавено пред

1 час

- 5 март, 2021

Од

TopSport.mk

Околу кариерата на Златан Ибрахимовиќ има испреплетено толку многу митови, анегдоти, чудни работи, необјаснети работи, така што настапот на музичкиот фестивал Санремо можеби беше само една од епизодите. Но, начинот на кој стигна таму, повторно носи една приказна во која би било тешко да се поверува доколку немаше докази.

Ибрахимовиќ пееше заедно со тренерот на Болоња, Синиша Михајловиќ на славниот фестивал, но за малку немаше да стигне таму – сообраќајот од Милано до Санремо бил толку густ, што Златан последните 60 километри ги поминал на мотоцикл со еден локален возач, инаку страстен навивач на Милан.

„По три часа во колата, му кажав на возачот да ме пушти, сопрев еден мотоциклист и го прашав дали ќе ме однесе до Санремо. Знам дека звучи неверојатно, и затоа снимив видео, бидејќи немаше да ми верувате“, изјави Златан.

„Радио Монте Карло“ го пронајде мотоциклистот, кој се идентификуваше само како Франко.

„Се враќав дома, и додека бев во гужвата, видов црно комбе. Имаше двајца внатре и еден личеше на Ибрахимовиќ. Си реков, ова мора да е Ибра. Возачот го спушти прозорецот и ме праша: ‘Ибра прашува дали може да го однесеш до Санремо’. Секако! Имав резервна кацига под седиште. Се јавив на сопругата и не ми веруваше дека ќе го возам Ибрахимовиќ. Тој дури сакаше да вози самиот, но јас му кажав дека јас сум возачот. Ми кажа дека ќе ми прати дрес бидејќи сум навивач на Милан“, открива Франко.

60 km in moto per raggiungere @SanremoRai: la clip è su #RaiPlay ➡️https://t.co/YmmduZpfTp
⚡️Il video di @Ibra_official ⤵️#Sanremo2021 @RaiUno pic.twitter.com/l1HHkJ4Fq1
— Ufficio Stampa Rai (@Raiofficialnews) March 4, 2021

Прикажи повеќе...

Спорт

Штефан Крафт по третпат светски шампион во ски-скокови

Објавено пред

3 часа

- 5 март, 2021

Од

TopSport.mk

Австриецот Штефан Крафт беше во фантастична форма за да го освои златото на големата скокалница на Светското првенство во Оберстдорф, Германија, пред Норвежанецот Роберт Јохансон и домашниот фаворит Карл Гајгер.

Крафт имаше убедлива предност по првата серија пред Јохансон за на крајот да победи со 276.5 поени (132.5 и 140 метри), додека Норвежанецот заостана 4.4 поени со скоковите од 129.5 и 135.5 метри. Гајгер имаше 267.4 поени со два скока од 132 метри, за да ја комплетира колекцијата медали од Оберстдорф – освои сребро на малата скокалница и беше дел од германскиот тим кој ја освои мешаната титула.

„Фантастично, не можам да го опишам чувството. По тешко лето со многу проблеми со повредите, да се вратам на мојата омилена скокалница и да освојам злато е неверојатно“, вели Крафт, кој пред четири години во финскиот Лахти победи на малата и големата скокалница.

Пјотр Жила, полскиот ас кој освои злато на малата скокалница, беше четврти, пред Словенецот Анже Ланишек.

#WinningJump: Stefan Kraft / #Oberstdorf #skijumping #FISskijumping #Oberstdorf2021 pic.twitter.com/n18JcJHc4W
— FIS Ski Jumping (@FISskijumping) March 5, 2021

Прикажи повеќе...