Црна хроника
Шестгодишник во банда малолетни браќа кои ограбиле два стана
![](https://makfax.com.mk/wp-content/uploads/2016/10/f87401a3-81d4-4158-a739-c7f29a2d3d1e.jpeg)
Малолетниците на возраст од 13, 11 и 6 години го искористиле отсуството на нивните родители и со помош на специјален алат ја отвориле влезната врата на недоизграден стан во Чашка
Малолетните браќа влегле во станот и украле сервиси за ручање, разни украси, рачен миксер и разни други предмети. Откако ги украле предметите, ги сокриле на таванот од истата зграда.Малолетниците не се задоволиле со украдените предмети, па веднаш потоа на ист начин влегле и во друг стан од истата зграда. Од таму одзеле лаптоп, дигитален фотоапарат, модем за компјутер, дигитална камера, мобилен телефон и друго. Дел од украдените предмети исто така ги сокриле на таванот, додека повредните ги зеле за себе.Случајот бил пријавен во полиција и по преземените мерки, сторителите се откриени и приведени, предметите се одземени и вратени им се на сопствениците.Против малолетниците СВР Велес до Основното јавно обвинителство поднесе посебен извештај, за сторени две кривични дела тешка кражба, пишува порталот Лисица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Тешко повреден скопјанец, додека управувал мопед, паднал на коловозот
![](https://makfax.com.mk/wp-content/uploads/2022/08/moped.jpg)
Вчера вечер во 23.15 часот во СВР Скопје било пријавено дека на булеварот „Киро Глигоров“ во Скопје, 23-годишниот К.С. од Скопје, додека управувал мопед „јијинг“ со скопски регистарски ознаки, паднал на коловозот, извести МВР.
Во несреќата возачот се здобил со тешки телесни повреди, констатирани во Комплексот клиники „Мајка Тереза“.
Извршен бил увид од увидна екипа од СВР Скопје.
Црна хроника
Се судрија товарно возило и „опел вектра“, тешко повреден маж од Струшко
![](https://makfax.com.mk/wp-content/uploads/2023/04/soobrakajka35413251.jpg)
Вчера во 08.00 часот во Полициската станица Струга било пријавено дека на магистрален пат во близина на фудбалско игралиште во Струга се случила сообраќајна несреќа помеѓу товарно возило „ман“ со охридски регистарски ознаки, управувано од 55-годишниот А.К. од село Делогожда, струшко и патничко возило „опел вектра“ со струшки регистарски ознаки, управувано од 41-годишниот Б.С. од село Радолишта, струшко, извести МВР.
Во несреќата со тешки телесни повреди се здобил возачот Б.С., констатирани во Специјалната болница „Св.Еразмо“ во Охрид.
Извршен бил увид од ОВР Струга.
Топ
Пукање во Батинци, убиен 34-годишник
![](https://makfax.com.mk/wp-content/uploads/2023/02/policija-1-960x562.jpg)
Едно лице е убиено во пукањето што се случи денеска во скопското село Батинци. Во Ургентниот центар е пренесено друго лице со повреди, извести МВР.
„На 01.07.2024 во 09,25 часот во СВР Скопје е пријавено дека во с.Батинци, скопско, две лица со патничко возило „мерцедес“ пукале кон патничко возило „форд“ во кое биле А.Б.И.(34) и З.И.(31), двајцата од с. Црн врв. На местото на настанот починал А.Б.И., а З.И. се здобил со повреди и е пренесен за укажување лекарска помош во Ургентен центар-Скопје“, соопшти МВР.
СВР Скопје во координација со Одделот за специјални полициски операции и Одделот за воздухопловни единици преземаат мерки и активности за пронаоѓање на сторителите и расчистување на случајот.