Црна хроника
Обвинение против 36 лица за издавање дозволи без положен возачки испит
Скопското Основно јавно обвинителство поднесе обивинение против 36 лица, од кои петмина се товарат за продолжено кривично дело – злоупотреба на службената положба и овластувањето, а другите 31 за поттикнување при извршувањето на тоа кривично дело.
Како што информираат од Обвинителството, петтемина обвинети, вработени во одделот за граѓански работи при МВР, во повеќе наврати ги искористиле својата службена положба и овластувањето.
Имено, во периодот од 26 ноември 2019 до 19 мај 2020 година, поттикнати од другите обвинети, тие пополнувале барања за издавање возачка дозвола, во кои внесувале невистинити податоци, ги пуштале во процедура, вршеле одобрување и издавале возачки дозволи.
На овој начин им овозможиле на подносителите да стекнат возачки дозволи од Б-категорија иако не ги исполнувале условите за тоа, односно немале положено возачки испит.
За првоосомничениот, за кого во текот на претходната постапка била определена мерка притвор, надлежниот јавен обвинител доставил предлог за продолжување на притворот.
Со претходната постапка во овој предмет биле опфатени уште три лица вработени во одделението за управни работи при МВР, но со направените проверки не се утврдило дека тие презеле незаконити дејства.
Од тие причини јавен обвинител донел решение за отфрлање на кривичната пријава против тие три лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.