Свет
Германија ги затвора границите кон Австрија и Чешка поради мутирани видови на вирусот

Германија ги затвора своите граници со Австрија и Чешка в недела поради опасност од ширење мутирани видови на коронавирусот, соопшти денеска Министерството за внатрешни работи.
„Германскиот министер за внатрешни работи, Хорст Зехофер, одлучи да воведе привремени контроли на граничните премини кон Австрија, кои постојат од бегалската криза, и да воведе привремени контроли на граничните премини кон Чешката Република“, соопшти Министерството.
Целта на овие мерки е да се спречи воведувањето мутирани видови на вирусот во Германија, се вели во соопштението.
Од овие области забранет е влез во Германија, со исклучок на германски државјани и странци со постојан престој во Германија.
Зехофер претходно побара од федералната влада да ги прогласи пограничните области во Чешка и областите Тирол во австриската провинција со мутирани вируси за да може да се воведе забрана за влез во Германија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.