Свет
„Дојче веле“: Германски министер лани нарачал „хорор сценарио“ за да луѓето ги прифатат строгите мерки
Германското Министерство за внатрешни работи во март минатата година побарало експертиза од реномирани институти и универзитети за епидемијата. Целта била да се „шокираат“ граѓаните со хорор сценарио со цел да се прифатат „репресивни мерки“, пишува „Дојче веле“.
Германскиот дневен весник „Дие Велт“ минатата недела објави дека дошле до 200 страници со електронска кореспонденција меѓу врвот на Министерството за внатрешни работи и одредени научници. Таа преписка покажува дека Министерството ги замолило научниците да излезат со разни фрази кои го прикажуваат можниот развој на епидемијата на корона во најцрни бои.
Според „Велт“, Маркус Кербер, кој е државен секретар во Министерството за внатрешни работи, предводено од баварскиот политичар Хорст Зехофер, им се обратил на научниците на 19 март минатата година. Кербер му пишал на Лотар Вилер, шеф на владиниот институт „Роберт Кох“, потоа на Институтот за економски истражувања во Лајбниц, Институт за германска економија и Фондација за наука и политика, како и на некои универзитети. Кербер ги замолил „да развијат модел врз основа на кој може да се планираат мерки од превентивна и репресивна природа“.
Како што пишува „Велт“, научниците веднаш се фатиле за работа и за четири дена спремиле лист со формулации погодни да предизвикаат паника. Тоа биле формулации кои потоа биле доработени заедно со Министерството, кое на крајот, со помош на тоа сценарио, го скроило својот документ, кој го прогласило за таен.
Меѓу другото, во документот се зборува за „најлошото сценарио“. Еден пример изгледа вака: „Ако наскоро се заразат 70 проценти од популацијата, повеќе од 80 проценти од пациентите за интензивна нега ќе мора да бидат одбиени, а бројот на смртни случаи во Германија ќе надмине еден милион“.
Весникот исто така вели дека во документот пишува за тоа „како да се постигне шок-делување во општеството“ така што ќе биде подготвен да го избегне најлошото сценарио. Тоа требало да се постигне со вметнување на слики во главите на луѓето: „ Многу сериозно болни луѓе беа донесени во болница од страна на нивните семејства, но тие не можеа да бидат примени и починаа дома во агонија, борејќи се за воздух“.
„Велт“ пишува дека документацијата покажува дека научниците не биле едногласни кога станува збор за короната, поточно бројките што треба да им бидат презентирани на граѓаните. Така, Институтот „Роберт Кох“ имал модел според кој 0,56 проценти од заразените во Германија ќе умрат. А научник од Институтот „Лајбниц“ навел бројка од 1,2 проценти.
Весникот се обрати до надлежниот државен секретар Кербер, кој рекол дека владата сака да „спречи најлошо сценарио“. „Велт“ ги доби информациите со изнудување на преписката на суд од „тим адвокати“ кои потоа им ги предадоа на новинарите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Остин: Бајден ја запре испораката на оружје за Израел
Американскиот министер за одбрана Лојд Остин денеска изјави дека одлуката на американскиот претседател Џозеф Бајден да ја прекине испораката на муниција за Израел е донесена поради израелските планови да изврши офанзива врз градот Рафах на југот на Појасот Газа.
„Од самиот почеток бевме многу јасни дека Израел не треба да започне голема офанзива во Рафах без да ја земе предвид заштитата на цивилите во областа. Откако ја преиспитавме ситуацијата, престанавме да испраќаме муниција во Израел“, рече тој на сослушувањето во Сенатот и потврди дека конечната одлука „што ќе се случи со таа пратка“ се уште не е донесена, пренесува Ројтерс.
Администрацијата на САД ја запре испораката на околу 3.500 бомби во Израел минатата недела поради загриженоста за најавената копнена офанзива на Рафах, објави претходно денеска Асошиејтед прес, повикувајќи се на неименуван претставник од администрацијата.
Овој функционер појаснил дека не е донесена конечна одлука за испораката на бомбите и дека во суспендираната пратка имало 1.800 бомби од по 900 килограми и 1.700 бомби со тежина од 226 килограми.
Во понеделникот, израелскиот воен кабинет одлучи да ја спроведе планираната операција во Рафах за да „изведе воен притисок врз Хамас“, и покрај претходната најава на Хамас дека се согласува со египетско-катарскиот предлог за прекин на огнот.
Европа
Намалениот број на станови доведе до раст на кириите во Германија
Растат кириите во Германија поради немањето станови во услови на високи градежни трошоци и кредити. Сето тоа го запре градежниот сектор и побарувачката, но и ги намали цените на квадратот, се вели во извештајот на здружението на банките.
Становите во Германија поевтиниле за 4,3 отсто во првиот квартал во однос на истиот период лани, објави здружението на германските банки„Pfandbrief“.
Цените за изнајмување на нови станови се зголемени за 5,6 отсто. Трендот на поскапување на кириите нема да запре, оценуваат од здружението.
„Пазарот за изнајмување станови е под огромен притисок. Побарувачката значително ја надминува понудата“, рече извршниот директор на здружението, Јенс Толкмит.
Трошоците за изградба значително се зголемија во последните години поради повисоките каматни стапки на кредитите и значително повисоките трошоци за работна сила и цените на градежните материјали. Во вакви услови се намали бројот на одобренија за градба, а побарувачката ослабе, што резултираше со пониски цени на становите, смета министерот за финансии.
Според податоците на здружението на банките, цените на недвижностите најмногу паднале во Минхен, за 5,3 отсто.
Во исто време, падот на градежната активност го продлабочува „недостигот“ на станови, зголемувајќи го натамошниот раст на закупнината, кој би можел да продолжи уште некое време.
Здружението оценува дека цените на станбените недвижности треба да се стабилизираат во догледна иднина, за разлика од комерцијалните недвижности, како што се деловните згради и трговските центри.
Цените во тој сегмент паднаа за речиси 10 проценти на годишно ниво и се уште не се гледа „дното“, вели првиот човек на здружението.
Проценките се базираат на податоци за работењето на повеќе од 700 банки кои се активни во финансирањето на недвижен имот, а не на понуди за купување и изнајмување кои служат како основа за Заводот за статистика, забележуваат тие во здружението.
Европа
(Видео) Драма на небото над Трст: забележана несекојдневна појава
Во внатрешноста на заливот Трст, во близина на границата со Словенија, во вторникот попладне се формирал вител.
Италијанските медиуми јавија дека невремето не предизвикало материјална штета, ниту било закана за населението. Интервенцијата на пожарникарите и на пристанишните служби не била потребна.
Waterspout reported in the North Adriatic between the town of Muggia and Koper a few hours ago.
Original video shooting from meteoradar
➡️ https://t.co/SXbq5rbWaj pic.twitter.com/XxRu57Gohs— Alpine-Adriatic Meteorological Society (@aametsoc) May 7, 2024
Италијанската метеоролошка агенција објасни дека ваквите појави не се воопшто ретки и дека се резултат на екстремна нестабилност на атмосферата.
Областа на низок воздушен притисок, која владее со поголемиот дел од Италија, донесе влажни струи во Трстскиот Залив.
„Во овие временски услови, неколку пати годишно може да се појават воздушни вртлози, кои во повеќето случаи се распаѓаат на море“, објаснуваат италијанските метеоролози.