Спорт
Атлетико во Букурешт го чека Челси, Баерн гостува во Рим
Два натпревари, во рамките на осмина-финалето, во Лигата на шампионите, на програмата се вечерва. Атлетико во Букурешт ќе го „пречека“ Челси, а европскиот првак Баерн ќе гостува кај Лацио.
Атлетико, се уште се лидери во Ла Лига, иако не играат добро на последните неколку натпревари. Коронавирусот, од кој на почетокот на месецот беа заразени петмина играчи го зеде данокот. „Јорганџиите“ не делуваат така моќно, како то тоа беше случај до пред еден месец. Најголем проблем, Диего Симеоне има со одбраната, која почна да прима, за стандардите на Атлетико, премногу голови. На последните седум натпревари, Атлетико примија осум голови.
За дуелот со Челси, неизвесен е настапот на Јаник караско, кој поради повреда не играше во саботата против Леванте. Исто така ќе отсутвува и Киран Трипие, поради суспензија. Ова е последниот натпревар што ќе го прошушти англискоот репрезентативец.
Челси, од друга страна нема да можат да се потрпрат на услугите на Тијаго СИлва, додека Каи Хаверц и Кристијан Пулишиќ им се приклучија на соиграчите.
„Сините“, по смената на тренерот, ја кренаа формата, иако во минатото коло одиграа 1:1 кај Саутемптон.
Овие тимови играа во полу-финалето, во Лигата на шампионите во 2014 година, кога Атлетико со вкупни 3.1 избори пласман во финалето. Играа и во фазата по групи, во сезоната 2017/2018, еден меч заврши без победник, а еден заврши со победа на Челси 2:1.
На „Олимпико“, во Рим, ќе гостува актуелниот европски и светски првак, Баерн. Баварците на овој дуел ќе бидат без Томас Милер, Серж Гнабри, Бенжаман Павар, Корентан Толисо и Даглас Коста.
Баварците се уште не ја достигнале оптималната форма, на последните два натпреври во Бундес лигата немаат победа, но и покрај тоа имаат комотна предност на челната позиција.
Лацио се аутсајдери во овој дуел, но од Рим најавуваат дека доколку им се укажа и најмала шанса нема да ја пропуштат.
Дуелите во Рим и Букурешт ќе започнат во 21 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Железниот човек Ѓоковиќ посилен од повредата и Серундло – Избори четвртфинале по четири часа и 39 минути
Новак Ѓоковиќ одигра уште еден епски меч на Ролан Гарос. Светскиот број 1 во осминафиналето по четири часа и 39 минути беше посилен од повредата и 23. носител на турнирот Аргентинецот Франциско Серундоло.
Ѓоковиќ славеше во пет сета со 6:1, 5:7, 3:6, 7:5, 6:4. Србинот во претходната рунда играше четири и 26 минути и сега се поставува прашањето, под услови неговото колено да биде како треба, како ќе го издржи наредниот дуел.
Откако рутински го доби првиот сет, Ѓоковиќ на почетокот на вториот побара лекарска помош. Се пожали на болка во пределот на десното колено. До крајот на вториот сет, кој Серундоло го доби се брејк во 11.гем, лекарот константно беше присутен на секоја пауза.
Проблемите со коленото кај Ѓоковиќ беа евидентни во третиот сет. Видливо беше дека тешко се движи. Аргентинецот го искористи тоа со 6:3 направи пресврт и поврде со 1:2 во сетови.
Дали лековите што ги доби против болка почнаа да делуваат во четвртиот сет, тоа знае само Ѓоковиќ, но тој полека започна да го крева нивото на играта. Направи брејк во седмиот гем, а од тој момент освои шест од наредните седум гемови. Не само што изедначи во сетови туки и поведе со 2:0 во решавачкиот сет. Серундолу сепак успеа да го врати брејкот, а потоа гледавме нестварна борба.
Брејк направи Ѓоковиќ во деветтиот гем и тоа во ситуација кога Серундоло имаше 40:0. На крајот релатвно лесно го доби својот сервис и прослави уште една неверојатна победа.
„Денес, уште еднаш, голема, голема благодарност. Како и на претходниот меч, победата е ваша. Ова е ваша победа и против Мусети губев со 1:2, беше 2:2 во 4. сет, енергиите се сменија, ми дадовте енергија и вечерва. Благодарам, што да кажам. Ова можеби беше меч кој можев да го загубам, бев на неколку поени до пораз, му честитам на Серундоло за начинот на кој играше. Направи да ми биде тешко. Како го најдов патот до победата, не знам. Единственото објаснување сте вие“, рече Новак по мечот.
Во четвртфиналето ќе игра против Тејлор Фриц или Каспер Руд.
Спорт
(Видео) Убедлив пораз на Македонија од Хрватска
Фудбалската репрезентација на Македонија доживеа убедлив пораз од Хрватска. Пријателскиот натпревар во Риека, Хрватите го добија со 3:0.
Натпреварот во Риека покажа дека Македонија нема капацитет да се носи со елитните европски репрезентации. Хрватска и со комбиниран состав убедливо славеше.
Македонија имаше неколку обиди во првата половина од првото полувреме, но впечатокот е дека нашите момци немаа јасна идеа како да дојдат до голот на Ливаковиќ.
Хрватска победи со головите на Ловро Маер во 10. и 45., односно Марко Пашалиќ во 79.минута.
Маер првиот гол го постигна од слободен удар, а вториот по извонредната аситенција на Петковиќ. Миленикот на домашната публика Марко Пашалиќ го постигна првиот гол во националниот тим, откако Димитиревски го одбрани ударот на Будимир, а тој ја спести топката под гредата.
Македонија на 10.јуни ќе одигра пријателски натпревар против Чешка.
Спорт
Мбапе и официјално е играч на Реал
Килијан Мбапе и официјално е играч на Реал Мадрид. Она што се најавуваше со денови, а беше сигурно со месеци, сега е и официјално потврдено. Клубот од Мадрид на својата официјална веб-страница потврди дека француската суперѕвезда пристигна како слободен играч откако му истече договорот со ПСЖ.
Мбапе (25) дојде во ПСЖ во 2018 година за 180 милиони евра од Монако. Иако играше со Меси и Нејмар и постигна 256 и забележа 108 асистенции за ПСЖ на 308 натпревари, тој не успеа да ја освои Лигата на шампионите. Тоа не му успеа ниту годинава, ПСЖ беше елиминиран во полуфиналето од Борусија Дортмунд.
Долго време не го криеше незадоволството и беше извесно дека ќе си замине. Претседателот на клубот го задржа пред две години со еден од најголемите договори во историјата на фудбалот.
Месечно заработуваше околу 6 милиони евра бруто (2,7 милиони нето), доби бонус од 180 милиони евра само за потпишување на договорот и дополнителни 70 милиони на крајот од секоја година од договорот, кој требаше да трае до три години. Но, кога го потпишуваше договорот му била понудена опција да замине бесплатно по две сезони и тој реши да ја искористи таа опција.