Спорт
Луис Суарез: Во Барселона ми рекоа дека сум стар за да играм на врвно ниво
Трансферот на Луис Суарез од Барселона во Атлетико, се уште е интересен за спортската јавност. Уругваецот во летниот преоден рок, буквално беше избркан од „Ноу Камп“. Тој кариерата ја продолжи во Атлетико, каде засега одлично му оди, на 20 натпревари во Ла Лига има постигнато 16 голови.
Во интервју за „Франс фудбал“, Суарез, открил што се случувало во деновите пред неговото заминување и како како го одбрал Атлетико.
„Најмногу ми пречеше кога ми рекоа дека сум стар и дека повеќе не можам да играм на високо ниво. Дека не можам да го предводам тимот. Тоа не ми се допадна. Јасно ми е дека три или четири години не придонесував многу, но секоја сезона давав повеќе од 20 голови. Имав добра статистика, само Меси беше подобар од мене. Многу играчи што г донесоа во клубот на крајот не беа на нивото кое се очекуваше од нив. Јас за шест години секогаш го исполнував она што се бараше од мене. Но некои работи се сменија во Барселона и јас го прифатив тоа. Не ми се допадна само начинот на кој то го направија тоа. Мислам дека заслужив со почит да се однесуваат кон мене“, рекол Суарез.
Заминав, бидејќи сакав да им покажам на сите таму, дека и понатаму можам да играм на врвно ниво.
„Ми се допадна идејата да се преселам во Атлетико, тоа е амбициозен клуб. Никој од Барселона не го договори мојот трансфер. Тоа беше моја лична одлука, тие ништо не знаеја“, заклучил Уругваецот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Надал: Ако немам чувство дека можам да се натпреварувам тогаш нема да играм на РГ
Шпанскиот тенисер Рафаел Надал, по Мастерсот во Рим, ќе донесе одлука дали ќе настапи на вториот гренс слем во сезоната, Ролан Гарос.
Рафа моментално се наоѓа во Мадрид, каде во првото коло убедливо славеше во дуелот со 16-годишниот Американец Дарвин Бланш.
„Реален сум за тоа што се случува. Искрено, играв против играч кој направи многу грешки и ми ги олесни работите. Со најголема почит кон играчот кој има голема иднина, тој направи многу грешки и мечот траеше само еден час. Ова нема да ги смени моите размислувања за Ролан Гарос. Овде нема да донесам никаква одлука, по Мастерсот во Рим ќе ја донесам конечната одлука. Не зборувам за победите, туку за чувството дека можам да дадам се од себе и дека можам да се натпреварувам. Мислам дека ова е логично по се што направив во Париз“, изјави Надал.
Негов следен ривал ќе биде Алекс де Минор, кој го елиминира минатата недела во Барселона.
Спорт
Бруно Гимараеш има посебна клаузула во договорот која важи до 30 јуни
Играчот од средниот ред на Њукасл, Бруно Гимараеш е на мета на бројни клубови, а тој има посебна клаузула во договорот.
Како што откри трансфер-инсајдерот, Фабрицио Романо, од последната недела на мај до крајот на јуни, Гимараеш има откупна клаузула од 100 милиони фунти или 116 милиони евра.
Доколку Бразилецот се договори со некој клуб и тој клуб ја плати сумата, Њукасл ќе биде принуден да го пушти.
Во моментов не се знае дали некој клуб е подготвен да потроши толку пари, но веќе е познато дека ПСЖ покажува интерес за бразилскиот репрезентативец.
Прашање е само дали е реално еден ваков трансфер да се случи пред официјалниот почеток на летниот преоден рок.
Летниот преоден рок стартува на 1 јули.
Спорт
Саудискиот нафтен гигант стана глобален партнер на ФИФА
Саудискиот нафтен гигант Арамко ќе стане главен глобален партнер на Меѓународната фудбалска федерација (ФИФА) до крајот на 2027 година, објави ФИФА.
Договорот, чија сума не беше објавена, му овозможува на јавното претпријатие на Саудиска Арабија да стане партнер на ФИФА „со права кои покриваат неколку настани“, вклучително и Светското првенство за мажи во 2026 година и Светското првенство за жени во 2027 година.
Саудиска Арабија, богата со нафта, но често критикувана за кршење на човековите права, веќе неколку години инвестира милијарди долари во спортот.
Инвестирањето во спортот е дел од стратегијата што ја води престолонаследникот Мохамед Бин Салман, како дел од големиот проект „Визија 2023“, чија цел е да го трансформира кралството во земја на бизнис и туризам и да ја намали неговата зависност од нафтата.
„Ова партнерство ќе и помогне на ФИФА успешно да ги испорача своите водечки натпреварувања во следните четири години и, како и сите други наши комерцијални договори, ќе ни овозможи да продолжиме да ги поддржуваме нашите 211 членки низ светот“, рече претседателот на ФИФА, Џани Инфантино.