Црна хроника
Полицијата има осомничен за пукањето во Маџир маало
Полицијата има осомничен за пукањето кое што се случи околу 11 часот пред кафеаната 52-ка во скопската населба Маџир маало, соопштуваат од МВР
Неофицијално, станува збор за извесен Неџат, кој бил познат деликвент. Во пукањето беше повреден педесет и едногодишниот Осман А. д село Синѓелиќ.Двете лица почнале да се расправаат пред кафеаната, по што едното лице извадило пиштол и со еден куршум го погодил Осман во ногата.Повредениот е пренесен во Градска болница, а напаѓачот избегал од местото на настанот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен државјанин на Бугарија, ја истепал својата поранешна сопруга од Скопје
Денеска во 00.30 часот, полициски службеници од Полициската станица Драчево го лишиле од слобода 46-годишниот Н.И.Ц. од Република Бугарија, затоа што на 06.05.2024 во 21.30 часот, по претходна расправија, физички ја нападнал својата поранешна 43-годишна сопруга од Скопје, при што употребил и тврд предмет, извести МВР.
По целосно документирање на случајот ќе следува соодветен поднесок.
Црна хроника
Тешко повреден малолетник од Велес, во него удрил „цитроен“
Вчера во 21.55 часот во СВР Велес било пријавено дека на улицата „Благој Ѓорев“ во Велес, патничко возило „цитроен“ со велешки регистарски ознаки, управувано од 35-годишната М.Р. од Велес, удрило во малолетен пешак, извести МВР.
„Во несреќата со тешки телесни повреди се здобил малолетникот, констатирани во Општа болница Велес“, соопшти МВР.
По овластување на јавен обвинител извршен бил увид од увидна екипа од СВР Велес.
Црна хроника
19-годишник со „пасат“ излета од пат, со тешки повреди пренесен во Клиничката болница Штип
Вчера во 13.37 часот во СВР Штип било пријавено дека на регионалниот пат Штип – Плачковица, на влез од село Стар Караорман, штипско, патничко возило „фолксваген пасат“ со штипски регистарски ознаки, управувано од 19-годишниот Б.М. од село Јонузлија, општина Карбинци, излетало од коловозот, извести МВР.
Во несреќата со тешки телесни повреди се здобил возачот Б.М., констатирани во Клиничката болница Штип, соопшти МВР.
Извршен бил увид од увидна екипа од СВР Штип.