Свет
Секој петти Американец изгубил некого за време на пандемијата
Дури 20 проценти од Американците рекле дека за време на пандемијата на коронавирусот изгубиле роднина или близок пријател, покажала најновата анкета што ја спровеле агенцијата „Асошиетед прес“ и Центарот за истражување на јавноста НОРЦ по повод една година од прогласувањето на пандемијата.
Заедниците со обоена популација се потешко погодени од коронавирусот. Со анкетата е утврдено дека 30 проценти од Афроамериканците и Хиспаноамериканците изгубиле роднина или близок пријател за време на пандемијата, а тој процент меѓу белците е дури двојно помал – 15 проценти.
Утврдено е дека опаѓа загриженоста кај јавноста поради вирусот, како и дека фрустрацијата поради примената на санитарните мерки изразуваат дури и луѓе што се во жалост поради загуба на некого за време на епидемијата.
Иако вакцините несомнено водат кон завршување на пандемијата, една третина од Американците не планираат да се вакцинираат, а во тоа предничат младите луѓе, граѓани без факултетски дипломи и републиканци.
Бројот на починати од Ковид-19 во САД достигна 529.000.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Четири земјотреси ја погодија Турција за само десет минути
Утринава во централна Турција за само десет минути се забележани четири земјотреси кои предизвикаа вознемиреност кај населението.
Според податоците од сеизмолошките центри, земјотресите биле со различна магнитуда: најсилниот бил со јачина од 4,6 степени според Рихтеровата скала, додека другите три земјотреси биле регистрирани со јачина од 3,3, 3,1 и 4,2 степени, пренесува EMSC.
Сите земјотреси го погодија централниот дел на Турција, кој се наоѓа во сеизмички активна зона.
Нема официјални информации за значителни материјални штети или човечки жртви, но ситуацијата во многу градови е под надзор бидејќи жителите излегоа на улиците во страв од нови земјотреси.
Сеизмичката активност со ваков интензитет не е невообичаена за Турција, која се наоѓа на неколку големи тектонски раседи.
Пред два дена силен земјотрес со јачина од 6 степени по Рихтер ја погоди источна Турција.
Свет
Напад во Сирија: Израел ја бомбардираше Латакија, повредени цивили
Сириската армија соопшти дека двајца цивили се ранети во израелски напад што се случи рано утринава во крајбрежниот град Латакија, на околу 100 километри северно од либанската граница. Во нападот, покрај повредените, била оштетена и воена позиција.
Военото соопштение, кое го пренесоа државните медиуми, не содржи никакви дополнителни детали за нападот.
Израел често изведува напади врз воени цели во Сирија, особено оние поврзани со Иран и либанската милитантна група Хезболах.
Свет
Шолц: Германија ќе продолжи да го снабдува Израел со оружје
Германскиот канцелар Олаф Шолц денеска изјави дека Германија ќе продолжи да му помага на Израел со тоа што ќе продолжи да ја снабдува таа земја со оружје.
На маргините на самитот на лидерите на ЕУ, Шолц рече дека Израел мора да го почитува меѓународното право и дека решението со две држави е крајната цел, пренесе Ројтерс.
– За мене е јасно дека поддршката на Израел значи и дека постојано ја обезбедуваме одбранбената способност на Израел, на пример со снабдување со воена стока или оружје – изјави германскиот канцелар.
Според медиумот, во последните денови, бројни светски лидери и организации повикаа на прекин на продажбата на оружје на Израел.