Регион
Вучиќ ќе побрза да прими кинеска вакцина и покрај најавите од ЕУ во врска со ковид-пасошите
Во своето обраќање до српската јавност од Бахреин, претседателот на Србија, Александар Вучиќ, ги коментираше последните соопштенија што пристигнуваат од Европската унија, во врска со, како што кажа, дискриминацијата на руските и кинеските вакцини по однос на дозволата за патување во Унијата.
Тој посочи дека граѓаните не треба да се грижат за тоа и да се создава заблуда кај нив, бидејќи и самиот тој, и покарај ваквите најави, ќе се вакцинира со кинеската вакцина.
„Ќе се вакцинирам со кинеската вакцина. Требаше да биде за десет дена, но сега ќе го забрзам тој процес веднаш штом се вратам“, кажа Вучиќ.
Тој исто така рече дека српските државјани не треба да се грижат за патувањата и додаде дека оние кои примиле кинеска вакцина, треба да бидат опуштени затоа што ќе им бидат обезбедени дозволи.
„Нека не се грижат граѓаните на Србија. Тие треба да патуваат без никакви проблеми“, истакна претседателот.
Тој објасни дека граѓаните кои примиле кинеска вакцина не треба да се грижат дали ќе можат да патуваат затоа што, како што тврди, лесно ќе се издаваат тестови за тоа.
„Од друга страна, тоа ќе ни овозможи забрзан развој, ќе покаже дека Србија е слободна земја, дека се почитува слободата на движење и на различностите“, оцени Вучиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.