Црна хроника
Полициска акција во скопски Градски парк
Министерство за внатрешни работи соопшти дека полиција во петок навечер направила контроли на објекти што точат и продаваат алкохол во Градскиот парк во Скопје, при што се приведени педесетина лица
Полицијата ноќеска спроведе акција во објектите што продаваат и точат алкохол во Градскиот парк во Скопје. Притоа приведени се околу 50 лица, од кои 16 малолетници поради купување алкохол во околните продавници, а тројца поради консумирање алкохол. Другите е се приведени поради консумирање алкохол и пијанство на јавно место и нарушување на јавниот ред и мир, неносење документи за идентификација, фрлање шишиња и отпадоци.Од Министерството за внатрешни работи соопштуваат дека против двајца сопственици и двајца вработени во објектите во кои е извршена контрола ќе бидат поднесени кривични пријави. Со цел за сузбивање на оваа појава, од страна на СВР Скопје и во наредниот период ќе бидат преземани вакви активности, во содејство и со други надлежни институции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Петгодишно дете исчезна во Сарај, МВР го најде по два часа
Петгодишно девојче исчезнало денес околу 16.20 часот во паркот Сарај.
Како што објави МВР, веднаш презеле мерки, па околу 18.15 часот детето било пронјадено.
Претходно, од полицијата информираа дека се трага по девојче со руса долга коса, облечено во розово фустанче и розови чевли
Црна хроника
Ископана човечка коска во дворот на Клиничкиот центар во Скопје
Вчера во СВР Скопје било пријавено дека кај Клиника за психијатрија при Комплексот клиники „Мајка Тереза“, при изведување на градежни работи – вршење на ископ, била пронајдена коска, најверојатно човечка, на место каде порано имало гробишта.
Излезено било на местото на настанот од полициски службеници од СВР Скопје и известен бил јавен обвинител.
Црна хроника
Во куќарка на паркинг во Центар пронајдено починато лице
Во 06.10 часот во СВР Скопје било пријавено дека на подрачјето на Центар, во куќарка на паркинг, додека бил на неговото работно место, бил пронајден починат Д.С.(63) од Скопје.
Од страна на лекар од Итна медицинска помош констатирана била смрт без видливи траги на насилство.
Извршен бил увид од увидна екипа од СВР Скопје, а по наредба на Јавен обвинител телото на починатиот било дадено за обдукција.