Свет
Американците се подготвуваат за голема ледена бура
Поради најавите од голема ледена бура откажани се 2.000 летови во Денвер а се очекуваат рекордни врнежи од снег, пишуваат американските медиуми.
Националната метеоролошка служба издаде предупредување за бура, велејќи дека се очекуваат снег од Денвер до Болдер во Колорадо, од 46 до 61 сантиметар, од сабота попладне до недела навечер и до 76 сантиметри во подножјето на планината Фронт Ренџ.
Одделот за транспорт во Колорадо предупреди на затворање на патиштата и ги замоли луѓето да не одат по патиштта, освен ако е потребно.
Портпарол на меѓународниот аеродром во Денвер изјави дека вчера се откажани околу 750 летови, а денес сите 1.250 летови.
Одделот за следење на невремето на Националниот метеоролошки центар на САД издаде предупредување од 3 степен од петте постојни, за ледена бура што пристигнува во Америка.
Американците масовно се подготвуваат за пристигнување на големата бура, за кој се предвидува да донесе најголеми врнежи од снег во последните 10 години.
Издадено е предупредување во Вајоминг и Небраска за ледена бура што најпрво ќе ги зафати западните делови на САД, а потоа полека ќе се движи низ централните делови на Америка кон источниот брег.
Невремето, придружено со ниски температури, ќе донесе ледени дождови и снег, што ќе формира снежна покривка дебела над 60 сантиметри во некои делови на Америка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Свет
Небензја: Русија е категорично против резолуцијата за Сребреница
Рускиот амбасадор во Обединетите нации Василиј Небензја изјави дека Русија е категорично против резолуцијата за Сребреница во Генералното собрание на ОН и додаде дека секоја страна и должи на другата и Сребреница не е единствената темна страна на таа војна.
Тој посочи дека промовирањето на нацрт-резолуцијата на Генералното собрание на ОН за геноцидот во Сребреница го прекршува Дејтонскиот договор.
„Тој нацрт е едностран и политички мотивиран“, рече тој.
Свет
Шојгу нареди да се обезбеди повеќе оружје за војната во Украина
Министерот за одбрана на Русија, Сергеј Шојгу нареди што поскоро да се обезбеди поголемо количество оружје за воената операција во Украина.
„За да се задржи темпото на офанзивата и да се зголеми составот на воените групи, неопходно е да се зголеми обемот и квалитетот на испорачаното оружје“, рече Шојгу, соопшти руското Министерство за одбрана.
Како што е соопштено, за време на состанокот, рускиот министер за одбрана истакнал дека групите војници продолжуваат да ги извршуваат задачите на оперативните линии во согласност со планот за специјална воена операција и укажал на потребата од дополнително зголемување на набавката на оружје, воена опрема и оружје, пренесува РИА Новости.