Македонија
(Видео) Се отстранува нелегално изграден објект под Калето
Секторот за инспекциски работи продолжува со отстранувањето незаконски поставени и изградени објекти на територија на општина Центар.
Со придружба на механизација се отстранува градба на улицата Лазар Личеноски бб во општина Центар, објект што се наоѓа веднаш под Калето. Од Општината велат дека инвеститорот на објектот не постапил по претходното издаденото решение за самостојно отстранување на објектот и во согласност со член 59 и член 134 став 1 од Законот за градењето и член 24 од Законот за постапување со бесправно изградените објекти, Општината пристапи кон присилно отстранување.
Објектот што денес се отстранува е објект од втора категорија, Б4 – деловен простор, изграден од армирано-бетонска конструкција и блок-тули, претходно бил делумно рушен со присилно административно извршување по решение на градежен инспектор.
Општина Центар и градоначалникот Саша Бодановиќ повторно упатуваат апел до инвеститорите да постапуваат по издадените решенија од Секторот за инспекциски работи на Општината за отстранување на градбите затоа што во спротивно присилно ќе бидат извршени, а трошокот ќе падне на товар на инвеститорите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Пронајдено лице што вчера се изгубило на Водно
Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно.
Веднаш биле известени надлежните за нивна понатамошна постапка, по што лицето било пронајдено за околу еден час.
– Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.
Македонија
Почина таткото на Тоше Проески
Почина Никола Проески – татко на музичарот Тоше.
Веста за неговата смрт на социјалните мрежи ја објави Дора, неговата ќерка.
„Светол патот, татко мој“, напиша таа.
Музичарот Тоше Проески загина пред 16 години во сообраќајна несреќа во Хрватска. Неговите родители, по смртта на синот, не се појавуваа во јавноста.
Македонија
ВМРО-ДПМНЕ ветува изградба на магистрален гасовод од Свети Николе до Велес
За Свети Николе предвидуваме изградба на магистрален гасовод до Велес, реконструкција и проширување на патот до Пробиштип, реконструкција и проширување на градинката „Рахилка Гонева“ и нови 8 милиони евра за општината Свети Николе, изјави Драган Ковачки, носител на третата изборна единица од ВМРО-ДПМНЕ.
„Почитувани граѓани, за земјоделците од овој крај, вклучително и за сите земјоделци, предвидуваме 800 милиони евра коишто ќе бидат директна поддршка за земјоделците, за навремени субвенции, за чистење на водоснабдителните системи. Нашите земјоделци заслужуваат подобар живот. Нашите граѓани заслужуваат подобар живот“, рече Ковачки.
Повика на излезност на изборите на 8 мај.