Црна хроника
Две мaлолетнички од Србија осомничени за стотици кражби во Франција
Француските правосудни власти покренале постапка против две малолетни девојки „коишто тврдат дека потекнуваат од Србија“, под сомневање дека се извршители на стотици кражби во северниот дел на Франција, пренесе AFP повикувајќи се на повеќе извори.
Според првите резултати од истрагата, малолетничките коишто имаат околу 15 години, живееле во шаторска населба во Сеин-Сен-Дени, предградие на Париз, краделе накит и готовина. Во средата биле изведени пред судот кој истиот ден ја покренал истрагата поради провални кражби во куќи, изјавил државниот обвинител во Камбре, Жером Марили.
„Истрагата опфаќа повеќе од стотина провални кражби сторени во период од четири години“, рекол за AFP извор близок на истрагата.
Девојките пред истражителите признале дека извршиле стотина кражби во околината на Лил. Според државниот обвинител Марили, на дена вршеле и по десет кражби, според кого, пак, станува збор за период од две години.
„Изгледа дека припаѓаат на организирана мрежа, бидејќи е утврдено дека возрасни лица го оставале на одредени места за извршување на кражбите. Проблемот е во тоа што постојано го менуваат исказот“, додал Марили.
Пуштени се на слобода, но под судски надзор и не смеат да ја напуштаат територија на Франција и секој ден мора да се јавуваат во најблиската полициска станица./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведен скопјанец: се заканувал со ловечка пушка
Утрово во 01.20 часот во село Богомила, општина Чашка, полициски службеници од Полициското одделение Чашка го лишиле од слобода Ѓ.Ѓ.(36) од Скопје, постапувајќи по претходна пријава од Н.Д.(37) од село Богомила.
Ѓ.Ѓ. пред објект во селото со ловечка пушка му се заканил нему и на С.С., М.Д., Б.Ј., Т.Д., П.Б. и Д.Ѓ..
Бил задржан во полициска станица, а известен бил и јавен обвинител и по документирање на настанот протв него ќе биде поднесена соодветна пријава, соопшти полицијата.
Црна хроника
Кривична за директорот на ЈП „Пазари“ Битола: склучил договор за јавна набавка со фирма избришана од Централниот регистар
Одделот за криминалистичка полиција, по наредба од Основното јавно обвинителство Битола презема предистражни дејствија и во координација со СВР Битола поднесе кривична пријава против Б.К. од Скопје поради постоење основи на сомнение за сторено кривично дело „злоупотреба на постапката за јавен повик, доделување на договор за јавнa набавкa или јавно-приватно партнерство“ по член 275-в од Кривичниот законик и против В.А. од Битола поради постоење основи на сомнение за сторено кривично дело „несовесно работење во службата“ по член 353-в од Кривичниот законик. Имено, првопријавениот Б.К., во својство на управител на правно лице од Битола, на 19.12.2019 со неизвршување на обврските од склучен договор за јавна набавка на стоки за проектирање, набавка и монтажа на фотоволтаични панели за производство на електрична енергија со ЈП „Пазари“ Битола нанел штета на претпријатието. Тој дал гаранција за поставените фотоволтаични панели во рок од 25 години, иако знаел и бил свесен дека во предвидениот рок од една година од основањето на друштвото не го внел основачкиот влог на своето друштво согласно чл.186 ст.5 од Законот за трговски друштва поради што истото согласно чл.552-а и чл.552-б од истиот закон било избришано од Централниот регистар. Исто така, Б.К. знаел дека не можел да гарантира за изведените работи, со што постапил спротивно на дадената изјава за сериозност на понудата.
Второпријавениот В.А., во својство на директор на ЈП „Пазари“ Битола со пропуштање на должен надзор во вршењето на своите овластувања и должности, не извршил надзор кој бил должен да го изврши над носителот на набавката дали е активен субјект или не, со што не постапил согласно одредбите од склучениот договор за јавна набавка и не го раскинал. Исто така, В.А. постапил спротивно на чл.101 ст.7 од Законот за јавни набавки и не објавил негативна референца на електронскиот систем на јавни набавки на Бирото за јавни набавки. На тој начин В.А. му овозможил на првопријавениот да се стекне со противправна имотна корист како право да не биде исклучен од идните постапки за јавни набавки во период од шест месеци од денот на евентуалното објавување на негативната референца, а воедно и по доставена фактура одобрил и извршил плаќање кон првопријавениот односно кон неговото правно лице во вкупен износ од 1 298 000 денари со што го оштетил буџетот на ЈП „Пазари“ Битола.
Црна хроника
Тепачка во Чаир: случајот го пријавила 28-годишна девојка која била меѓу нападнатите
Девојка од скопски Чаир, во полиција пријавила дека заедно со членови од нејзиното семејство биле нападнати и истепани од неколку лица од Скопје.
Имено на 01.05.2024 во 23.00 часот во СВР Скопје, С.С.(28) од Скопје пријавила дека околу 18.30 часот во нивниот дом на подрачјето на Чаир, таа, нејзиниот татко Т.С, нејзиниот чичко Д.С., нејзинатата тетка М.А. и нејзината сестра С.С. биле физички нападнати од И.Р., Б.С.,С.С. ,О.С и И.С., сите од Скопје, кои притоа употребиле и тврд предмет.
Полицијата соопшти дека се преземат мерки за расчистување на случајот.