Македонија
Поранешни вработени во Здружение за возачи Кичево: Бараме одговорност за таткото на Антонијо Милошоски што не избрка на улица
Поранешните вработени од Здружението на возачи од Кичево, обвинуваат дека незаконски се избркани од работа пред 11 години, а здружението со политички притисок и уцени го презел таткото на пратеникот на ВМРО-ДПМНЕ Антонијо Милошоски.
За нанесената штета, финансиска злоупотреба на Здружението од Кичево, СЈО отворило посебен предмет, но како што тврдат оштетените, само еднаш биле повикани како сведоци во 2017 година и тука застанал процесот. Со цел, да излезе правдата на виделина, како што изјави Спасе Србиноски еден од оштетените,тие поднеле барање предметот да го превземе обвинителството со кое раководи Вилма Рускоска и да го истражи до крај работењето на ова фирма кога управител бил Милош Милошоски, таткото на пратеникот.
„Поминавме голгота по судови и ниту една постапка не заврши во наша полза, а тоа се должи на политичкото влијание на пратеникот Милошоски како што и слушнавме во една од аудио-снимките дека влијаел на судии, сведоци за да го добие тоа што го сака. Затоа бараме надлежните инститции да го истражат целиот случај до крај за Милош Милошоски кој го презеде Здружението и вмешаноста на неговиот син , политичарот Антонијо. Ние во февруари поднесовме барање до ова обвинителство да ни кажат дали овој предмет е превземен од СЈО и доколку не е, да го обнови и процесуира. Ние стоиме на располагање со цврсти докази против Милош Милошоски , а постојат и други сведоци кои во јавноста ќе ја изнесат вистината на виделина“ изјави оштетениот Србиноски.
Како што објаснуваат поранешните вработени приказната за превеземањето на Здружението започнала во 2010 година, кога Милош Милошоски отворил нова компанија „Бреком“ и станал управител на неа, а на чело на Здужението на возачи бил назначен братот на Антонио, Александар. Таткото и синот според нив, го користеле Здружението за да се збогатат, со земање високи кредити, иако фирмата ја оставиле ликвидна со многу пари на сметка.
“ Според законот управител во оваа дејност не може да биде машински бравар како таткото на пратеникот, туку треба да има завршено Правен или Економски факултет. Згора на тоа еден по еден не брка сите од работа. Се обративме до судот во Кичево и Апелација во Гостивар, досудија дека не сме во право. Јасно ни е дека замешал прсти „Моќникот“, како што го нарекуваа во друг предмет на СЈО. Да имаш моќ, да средиш се во своја корист на сметка на човечки животи е безобразлук. За да биде целата приказна поинтересна, братот на Антонијо, станува управител на Здружението на возачи. Иако сите здруженија се побунија тој беше избран на нелигитимен начин на вонредна седница. Во здужението оставивме сметка со половина милион евра, а подоцна Милош зел кредит од 300 илјади евра што е не логично. Прашуваме каде отидоа сите тие пари и дали некој изврши проверка на финансиското работење таму и како Милошоски успеа да уништи се пред себе за да се збогати?“, јавно праша Србиноски.
Оштетените од Здружението на возачи Кичево порачаа дека ќе извршат притисок до надлежните како што велат да се расчисти нивната 11 годишна голгота, да им бидат вратени заостанатите плати, да им биде исплатен стресот и болката што ја преживеле, а оние кои го прекршиле законот да одговараат за нанесената штета.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.