Црна хроника
Регистрирани два физички напади без повод во Тетово
Два физички напади без повод се случили синоќа во Тетово, соопшти локалната полиција, која во меѓувреме, приведе група разбојници кои вршеле тешки кражби низ градот.
Потешкиот инцидент се случил околу 21.00 часот во Клинички Центар Тетово, каде што биле нападнати Б.З.(18) и Б.М.(18). Додека оделе во посета кај мајката на едниот од нив, двајцата тетовци биле пресретнати од четири лица кои без повод и причина физички ги нападнале.Удирајќи ги со тупаници, разни предмети, метални боксирачи, напаѓачите им нанеле видливи повреди на нападнатите, а со камења го оштетиле возилото на Б.З. и прозорско стакло од ходникот на ортопедското одделение.Втората тепачка се сличил на паркинг во Тетово на улицата „Ѓорче Петров“, каде што С.Ј.(20) бил нападнат, откако претходно со неговите другари пишувал на паркирано возило.Истовремено СВР Тетово поднесе кривична пријава против Ѓ.С.(25), А.М.(22), Д.Ф.(23), С.С.(21), Е.С.(20), С.П.(17), М.С.(29) и Ж.С.(31), сите од Тетово за сторени девет кривични дела „тешка кражба“ и едно кривично дело „кражба“. Во периодот од декември 2011 година до февруари 2012 година, на подрачјето на Тетово, пријавените со употреба на погоден предмет и при згодна прилика, од куќи, станови и канцеларии одзеле техничка стока, алат и пари, стекнувајќи се со противправна имотна корист од околу 1.296.000 денари (21.000 евра). /крај/мвр/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Три лица повредени во сообраќајна несреќа на локалниот пат Куманово – с.Романовце
Вчера околу 15:30 часот во СВР Куманово било пријавено дека на локалниот пат Куманово – с.Романовце се случила сообраќајна несреќа помеѓу патничко возило „фиат“ со скопски регистарски ознаки, управувано од С.М.(25) од Скопје и патничко возило „опел“ со гостиварски регистарски ознаки, управувано од Г.Д. (29) од Скопје.
Во несреќата со тешки телесни повреди се здобил Г.Д., констатирани во Комплекс клиники „Мајка Тереза“ во Скопје, а со телесни повреди се здобиле С.М. и неговиот сопатник Ф.С., констатирани во Општата болница Куманово.
Увид на местото извршила увидна екипа од СВР Куманово.
Црна хроника
Скопјанец во дворот пронашол залутано зрно од огнено оружје
Вчера во 11.20 часот во СВР Скопје, Д.С.(73) од Скопје пријавил дека во дворот од семејната куќа на подрачјето на Драчево пронашол залутано зрно од огнено оружје.
Извршен бил увид од увидна екипа од СВР Скопје, а зрното било подигнато за понатамошна постапка.
Црна хроника
35-годишен кавадарчанец му се заканувал на градоначалникот на општината
Закани од 35 годишен кавадарчанец добил градоначалникот на Општина Кавадарци, Митко Јанчев.
Вчера во 23.35 часот во Кавадарци, полициски службеници од Полициската станица Кавадарци го лишиле од слобода П.Н.(35) од Кавадарци, затоа што агресивно се однесувал кон М.Ј.(43) од Кавадарци и му упатил закани.
Тој е задржан во полициска станица и по целосно документирање на случајот против него ќе биде поднесена соодветна пријава.