Црна хроника
Кривична пријава за битолски бизнисмен
СВР Битола поднесе кривична пријава против 52-годишниот основач и управител на битолската компанија „Шеровски Комерц“ увоз-извоз ДООЕЛ и против правното лице за сторени кривични дела „оштетување или повластување на доверители“, „даночно затајување“ и „фалсификување или уништување деловни книги“.
Во мај 2010 година, пријавениот иако знаел дека неговата фирма „Шеровски Комерц“ подолг период работи со загуба и дека има долг кон 14 добавувачи, непосредно пред отворање на стечајна постапка на фирмата, ја фаворизирал фирмата „Идеал“ Битола и склучил договор за продажба на 35 машини по цена од 1.559.470 денари, од кои дел биле продадени по повисока цена од реалната, бидејќи претходно во неколку наврати од „Идеал“ Битола подигал заеми во име на фирмата.
Исто така, од страна на Управата за јавни приходи била извршена контрола во книговодствената евиденција на „Шеровски Комерц“ и е утврдено дека во периодот од јануари 2007 година до декември 2010 година, било прикажуван помал износ на промет, за што не пресметал ДДВ и персонален данок на доход во вкупен износ од 5.336.405 денари./крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена струмичанка во сообраќајна несреќа на патот Валандово – Струмица
Денеска, околу 00.25 часот во Полициската станица Валандово било пријавено дека на регионален пат Валандово – Струмица, на место викано „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од 31-годишниот К.Т. од Гевгелија и патничко возило „пежо“ со струмички регистарски ознаки, управувано од 30-годишната С.Д. од Струмица, соопшти МВР.
Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија, додаваат од МВР.
Увид на местото извршила екипа на Полициската станица Валандово.
Црна хроника
Тројца скопјани искасани од кучиња скитници
Тројца скопјани пријавиле каснување од куче скитник во полициските станици во текот на вчерашниот ден.
На 25.04.2024 во 19.20 часот во Полициската станица Центар, Л.Ш.(42) од Скопје пријавила дека на ул.„Вардарска“ во Скопје била касната од куче скитник.
На 25.04.2024 во 12.00 во Полициското одделение Мирковци, Р.Г.(38) од Скопје пријавил дека во близина на обиколницата Скопје, бил каснат од куче скитник.
На 25.04.2024 во 14.10 часот во Полициската станица Карпош, К.С.(46) од Скопје пријавил дека на ул.„Милан Марковиќ“ во Скопје бил каснат од куче скитник.
Црна хроника
На граничниот премин Долно Блаце уапсен маж од Косово
Вчера во 17.20 часот на Граничниот премин Долно Блаце, на влез во државата, полициски службеници го лишиле од слобода 24-годишниот В.И. од Косово, затоа што при извршена пасошка контрола и проверка во оперативна евиденција констатирано било дека евидирал со мерка „апси“ по барање на Интерпол Шведска, извести МВР.
Тој бил предаден на полициски службеници од Полициската станица Кисела Вода за понатамошна постапка.