Европа
ЕМА: За одобрување на вакцината „спутник В“ во ЕУ ќе се знае кон крајот на април
За временската рамка за одобрување на руската вакцина „спутник В“ во Европската Унија ќе се знае кон крајот на април, изјавија учесниците на конференцијата за стратегија за вакцинација на ЕУ.
Руската вакцина против Ковид-19, „спутник В“ е една од трите тековно тестирани во Европската агенција за лекови, рече Ноел Ватион, заменик-извршен директор на агенцијата, на конференцијата организирана од Претставништво на Европската комисија во Хрватска.
За „спутник В“, тој посочи дека е потребно да се испитаат производствените погони во Русија, бидејќи тие немаат европски сертификати за производство.
„Ние работиме со делегација на Европската комисија во Москва и инспектори од земјите членки за да извршиме инспекции во наредните недели“, рече Ватион, додавајќи дека крајната временска рамка за одобрување на руската вакцина ќе биде позната кон крајот на април или почетокот на мај.
Вакцината „спутник В“ досега во Европската Унија ја нарачаа само Унгарија и Словачка.
Прашањето на руската вакцина во Словачка предизвика контроверзии и предизвика политичка криза што резултираше со оставка на премиерот Игор Матовиќ, пишуваат медиумите во регионот.
Австрискиот премиер Себастијан Курц објави дека неговата земја следната недела најверојатно ќе нарача милион дози „спутник В“, објави „Ројтерс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.