Црна хроника
Дете во Гостивар рането од заталкан куршум
Десетгодишно дете е повредено од заталкан куршум додека седело дома на балкон на улица „Боге Велјаноски“ во Гостивар, соопштуваат од СВР Тетово
Според нивните информации, детето околу 11:30 часот излегло на балкон и додека читало книга заталкан куршум поминал низ книгата и го погодил во ногата.Станува збор за полесна повреда и детето се наоѓа надвор од животна опасност. Се претпоставува дека куршумот бил испукан од некоја семејна веселба, бидејќи во овој дел од градот многу често се организирале прослави со оружје. Полицијата апелира, граѓаните да се воздржат од употреба на оружје, бидејќи за тоа ќе следуваат ригорозни казни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
ДУИ го осуди нападот врз претседателот на ФФМ
ДУИ го осуди вчерашниот напад врз претседателот на Фудбалската федерација Муамед Сејдини и изрази загриженост дека ова треба да биде силен аларм дека меѓуетничките тензии во земјата се зголемени.
„Овој инцидент се случува во време кога Владата се однесува како „бик во продавница за порцелан“, игнорирајќи ја и маргинализирајќи ја улогата на Албанците во јавниот и институционалниот живот и потценувајќи ја важноста на меѓуетничките односи. Ваквите постапки, кои доаѓаат во недела со серија други инциденти со етничка заднина, само дополнително ја влошуваат ситуацијата и создаваат опасна атмосфера за меѓуетничкиот соживот“, пишува во соопштението на Демократската унија за интеграција.
ДУИ тврди дека претседателот на ФФМ бил нападнат само поради неговата етничка припадност.
„Овој напад се случува и во контекст на голем неуспех во процесот на европска интеграција, што предизвика длабоко разочарување и ги затемни перспективите и надежите на нашите граѓани. Навредливите изјави на министерката за образование, која ги навреди вработените Албанци, нарекувајќи ги „неписмен народ”, дополнително ги зголемуваат тензиите и поделбите во општеството“, се вели во соопштението на партијата.
ДУИ ги повикува органите да реагираат брзо и професионално за да го расчистат овој случај, а Владата сериозно да размисли за важноста на зачувувањето на меѓуетничките односи и да ги почитува принципите на правично и еднакво застапување на сите граѓани.
Црна хроника
Тешко повреден 72-годишен возач на електричен тротинет
Вчера околу 19.25 часот во СВР Куманово било пријавено дека на ул.„Доне Божинов“ се случила сообраќајна несреќа помеѓу мопед „пежо“, управуван од Д.М.(18) и електричен тротинет управуван од Џ.И.(72), двајцата од Куманово.
„Во несреќата со тешки телесни повреди се здобил возачот на тротинетот, констатирани во Општата болница во Куманово“, информираат од МВР.
Извршен бил увид од увидна екипа на СВР Куманово.
Црна хроника
Приведен разбојник во Гостивар за издржување на тригодишна затворска казна
Полициски службеници од ОВР Гостивар привеле 29 годишен маж од Прилеп на улица „Живко Брајковски” во Гостивар.
Тој бил баран по потерница поради судска наредба за издржување на казна затвор во траење од три години за кривичното дело „разбојништво”.
По приведувањето, Ѓ.Ш. е спроведен во Казнено-поправната установа Затвор Тетово, каде ќе ја издржува својата казна.