Црна хроника
Во Венецуела запленети над тон кокаин
Повеќе од еден тон кокаин запленија венецуелските власти во полициска операција во сојузната државата Апуре, кога во саботата по локално време би откриен авион со кој требало да биде транспортирана дрогата, јавија локалните медиуми.
Како што изјавил венецуелскиот министер за внатрешни работи Нестор Реверол, мал авион со непријавен лет бил откриен од противвоздушната одбрана во близина на границата со Колумбија.
Во внатрешноста на авионот, чиј идентификациски број како што покажала истрагата бил фалсификуван, било откриено големото количество од повеќе од тон кокаин. Венецуелските органи на прогонот веруваат дека овој нелегален товар бил пренесен од Колумбија, преку Венецуела за негово натамошно транспортирање во САД.
Според министерот за внатрешни работи, полицијата ја претражува областа околу местото на откривање на воздухопловот со цел да ги открие лицата вклучени во трговијата со дрога. При откривањето на авионот, осомничените пружиле отпор и од местото на слетувањето избегале со неколку автомобили.
Во текот на минатата 2012 година властите во Венецуела запленија повеќе од 45 тони различни видови дроги, од кои 27 тони отпаѓаат на кокаин./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
„Цитроен“ удри во електричен тротинет, тешко повреден малолетник од Прилепско
Вчера во 11.50 часот во Полициската станица Прилеп било пријавено дека во село Црнилиште, прилепско, патничко возило „цитроен“ со прилепски регистарски ознаки, управувано од 48-годишниот М.А. од село Црнилиште, удрило во електричен тротинет управуван од малолетник од село Црнилиште, прилепско, извести МВР.
„Во несреќата со тешки телесни повреди се здобил малолетникот, а неговиот малолетен сопатник се здобил со телесни повреди констатирани во Општа болница Прилеп“, соопшти МВР.
Извршен бил увид од увидна екипа од ОВР Прилеп.
Црна хроника
Претрес во Кичево, пронајдена дрога, приведени двајца дилери
Вчера во 21.40 часот во Кичево, полициски службеници од Надворешната канцеларија за криминалистички работи Кичево и Полициската станица Кичево ги лишиле од слобода 32-годишниот Б.Д. и 25-годишниот А.Д., двајцата од Кичево, извести МВР.
„При претрес во нивниот дом, извршен со судска наредба, биле пронајдени и одземени марихуана и грутчеста материја“, соопшти МВР.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Уапсена жена во Гостивар, била фатена како краде во продавница
Вчера во 18.45 часот на улица „Светозар Пепоски“ во Гостивар, полициски службеници од ОВР Гостивар ја лишиле од слобода 50-годишната Г.И. од гостиварско Неготино.
„Таа била фатена при извршување кражба во продажен објект, по што се обидела да побегне, но била спречена и лишена од слобода“, соопшти МВР.
По целосно расчистување и документирање на случајот против неа ќе биде поднесена соодветна пријава.