Спорт
Градоначалникот на Ваљадолид: Грабеж и невиден срам – Тренерот: Ова е лига на Барселона
Бес и неверување владее во Ваљадолид по синоќешниот судиски грабеж на „Ноу Камп“ во Барселона.
Барселона, со тешка, мака и голема помош на судијата Хаиме Латер, успеа да го победи Ваљадолид со голот на Усман Дембеле во 90.минута.
Шпанците се согласни дека на голот му претходеше фаул на Алба врз Роке Меса. Претходно Латре престрого го исклучи, играчот на Ваљадолид Оскар Плано, а гостите се особено лути на одлуката на судијата да не досуди пенал за нив, откако Алба играше со рака пред својот гол, во 62.минута.
„Сакате да ме смирите, тоа е невозможно. Му кажав на судијата дека ВАР е воведен со причина и дека требаше да го користи. Знаете, во оваа лига сите, а не само Барселона, имаме големи влогови. Се и е потредено на Барселона. Играњето со рака на Алба беше очигледно, а би сакал од друг агол да го видам исклучувањето на нашиот фудбалер. Ќе повторам сите играме за нешто во оваа лига. Мојот клуб игра во истата лига во која игра и Барселона, сакам за сите да важат истите правила“, рекол тренерот на Ваљадолид Серхио Гонзалес.
Во целатата приказна се вклучил и градоначалникот на Ваљадолид, Оскар Пуенте. Градоначалникот не ги бирал зборовите, на социјалните мрежи, по исклучувањето на Оскар Плано, напишал: „Ова е очигледен грабеж и невиден срам“.
Пуенте жестоко реагирал и по завршувањето на натпреварот.
„Мислам дека судијата сега треба да оди во соблекувалната на Барселона и да ги теши своите соиграчи бидејќи малку недостигаше да не победат. Не беа на нивото на задачата, која им ја олесни судијата. Неговата намера да му помогне да големиот клуб да го победи малиот беше очигледна“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
„Пирло не го сакаше Роналдо во Јувентус“

Андреа Пирло, кој го презеде Јувентус во 2020 година со големи очекувања, всушност не го сакал Кристијано Роналдо во тимот, тврди неговиот поранешен помошник Алпарслан Ердем.
Во интервју за турските медиуми, Ердем откри претходно непознати детали за тензиите во клубот, кои, според него, директно влијаеле на резултатите.
„На Пирло не му се допаѓаше Роналдо, но не можеше ништо да направи. Ги анализираше податоците, тие покажаа дека Роналдо има најслабо трчање и најлош пресинг во тимот“, рече Ердем.
Тој додаде дека Пирло имал јасна тактичка визија заснована на формација 4-4-2, во која гледал повеќе простор за Алваро Мората отколку за португалската суперѕвезда.
„Пирло не го сакаше Роналдо во тимот, но едноставно станува збор за Кристијано Роналдо. Не можел да го извади. Мората му одговараше повеќе затоа што се вклопуваше во системот. Тој план на игра едноставно не функционираше ниту со Роналдо ниту со Дибала, но неговите раце беа врзани.“
Спорт
Синер го освои турнирот „Шест кралеви“ и заработи шест милиони долари

Италијанецот Јаник Синер го победи Карлос Алкараз во финалето на турнирот „Шест кралеви“ во Ријад.
Неочекувано, мечот заврши за само еден час и 12 минути со резултат 2:0 (6:2, 6:4).
Актуелното најголемо соперништво во светскиот тенис не ја оправда тоа на теренот во Ријад, бидејќи италијанскиот тенисер играше на многу повисоко ниво.
Алкараз го загуби својот сервис во првиот гем, и оттаму добивме прва индикација во која насока оди овој меч.
Синер одигра навистина спектакуларно и го потврди брејкот, а набрзо направи уште еден, и веднаш на семафорот стоеше 5:1.
Иако Алкарас не се предаде, по само 27 минути бранителот на титулата го доби првиот сет.
Во вториот дел, Шпанецот успеа да одговори, да пружи отпор. Нерешено беше до седмиот гем.
Потоа Синер повторно успеа да му го одземе сервисот на противникот и многу успешно да ја зачува таа предност до крајот.
По само еден час и 12 минути тенис, Синер успеа да го прослави својот триумф и да ја одбрани титулата во Ријад.
Италија заработи неверојатни шест милиони долари за триумфот во Саудиска Арабија. Тој доби 1,5 милиони за учество, како и останатите тенисери, и уште 4,5 милиони за трофејот.
Спорт
(Видео) Интер ја победи Рома, го искористи поразот на Наполи за да се искачи на првото место

Фудбалерите на Интер барем на 24 часа ќе бидат лидери во Серија А. Ова е епологот по победата на Интер над Рома во Рим (1:0) и поразот на Наполи во Торино со истиот резултат.
Интер против Рома победи со голот на Бои во шестата минута по додавањето на Барела,.
Натпреварот по тој гол беше доста динамичен, со шанси на двете страни. Логично, Рома ја имаше иницијативата, се обиде да израмни, но не успеа во тоа.
Најблиску до гол Рома беше во 52-та минута кога шутот на Дибала го одбрани Зомер, потоа во 53-та минута кога шутираше Ермосо, но повторно Швајцарецот беше одличен.
И во 55-та минута, Зомер успеа да го одбрани добар обид на Дибала. Потоа, уште две можности за домашниот тим во истата 59-та минута, прво за Челик, кој шутираше покрај стативата од солидна позиција од десната страна, а потоа Довбик со глава од пет метри ја погоди топката над голот на Интер. Потоа, во 84-та минута, одлична можност имаше Мхитарјан, кој шутираше од 12 метри и ја погоди стативата.
Foto/ EPA