Црна хроника
Започна судскиот процес за случајот „Албатрос“

Започна судскиот процес против дваесетмината обвинети од случајот „Албатрос“, во кој обвинетите се товарат за трговија на луѓе и шверцување на мигранти
Судскиот процес не е отворен за јавноста бидејќи меѓу обвинетите има малолетник. Минатата седмица судскиот процес не стартуваше токму поради отсуство на малолетникот, како и отсуството на еден од адвокатите.Меѓу обвинетите е и братот на Дилавер Бојку, Башким Бојку и и неговиот внук, Бојку Бесфорт.Башким Бојку се товари дека заедно со Даути Фљамур и Исмаили Алфрет и албанските државјани Дели Ликај и Гентијан Ѓона ја организирале меѓународната група. Од септември до декември минатата година организирале 26 транспорти на илегални мигранти по цена од 1.500 до 2.500 евра по мигрант.Мигрантите биле пренесувани од Албанија во Македонија, а потоа во Грција. Бојку и Ислами остварувале телефонски контакт со Ликај и Ѓона кои организирале превоз во Албанија,а потоа организаторите од Македонија ги прифаќале кај граничниот премин Ќафасан. Илегалците потоа продолжувале кон Гевгелија, а потоа во Грција. Во акцијата која ја спроведе полицијата во февруари се апсеше во Велешта, Кичево, Охрид, Битола, Скопје, Гевгелија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Овозможил влез на патник со мерка „апси“: кривична пријава за полицаец од скопскиот аеродром

Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластувања и припадници на затворска полиција поднесе кривична пријава против С.С. поради основи на сомнение за сторено кривично дело ,,несовесно работење во службата“ по член 353-в од Кривичниот законик.
Пријавениот, на работно место „полицаец“ во ПС за ГП „Меѓународен аеродром Скопје“, на 12.08.2025 несовесно постапил при вршење на своите овластувања и должности односно не извршил пасошка контрола на патник кој минувал на СТОП листата на МВР со мерка „апси“ при влез во државата. Со ваквото дејствие полицискиот службеник му овозможил на патникот да оствари влез преку државната граница, го ставил во поволна состојба, му овозможил лична корист и нанел штета на угледот на Министерството за внатрешни работи.
Црна хроника
Полицаец претепан од осуденик во затворот „Идризово“

Вчера околу 11:00 часот во СВР Скопје, од Казнено поправната установа Идризово било пријавено дека во установата, затворски полицаец бил физички нападнат од осуденикот К.А.(33) од Скопје.
Полицијата соопшти дека се преземаат мерки за расчистување на случајот.
Црна хроника
Четирицикл удрил во пешаци во Битолско: четворица повредени

На 24.08.2025 во 16:25 часот во СВР Битола било пријавено дека на регионалниот пат Меџитлија- Старавина се случила сообраќајна несреќа во која четирицикл со битолски регистарски ознаки, управуван од Н.Ј.(36) од општина Новаци, удрил во пешаците Х.С.(25) и В.Т.(36), двајцата од Прилеп.
Во несреќата пешаците се здобиле со тешки телесни повреди, а возачот Н.Ј. и сопатникот од четирициклот С.Р.(32) од Австралија се здобиле со телесни повреди, констатирани во Клиничката болница Битола.
Увидот го извршила увидната екипа на СВР Битола.