Европа
Словенија ги олабавува мерките против Ковид-19
Во Словенија во последните 24 часа се потврдени 891 лице зарзени од коронавирус, што е за 340 случаи помалку од претходниот ден, објави владата, а поради подобрувањето на епидемиолошката состојба, ќе се дозволат храна и пијалаци на отворено во повеќето делови од земјата.
Во моментот во болниците има 642 пациенти со Ковид-19, од кои 150 се на интензивна нега, објавија официјалните служби.
Уште седум лица починаа како резултат на Ковид-19, со што бројот на смртни случаи во оваа земја се зголеми на 4.142 лица.
Кампањата за вакцинација продолжува успешно, па според последните податоци на Министерството за здравство, досега се вакцинирани 351.020 лица или 16,7 проценти, од кои 126.764 со обете дози.
Благодарение на подобрената епидемиолошка состојба по 11-дневното затворање, кое заврши во неделата, словенечката влада дозволи отворање тераси на ресторани во 8 од 12-те статистички региони.
Одлуката ќе важи од следниот понеделник и ќе трае најмалку до 25 април. Угостителите ќе може да сервираат храна и пијалаци од 7 до 19 часот, во согласност со хигиенските и антиепидемиските услови и оддалеченост од 1,5 метар меѓу гостите и растојание од три метри помеѓу масите на отворените простории на нивните простории.
Угостителите, кои беа практично затворени од почетокот на минатата есен, не се задоволни од тоа и тврдат дека продолжувањето на угостителството, секторот што претрпе најголема штета во епидемијата, треба да биде дозволено во целост.
Повторното отворање градини и тераси за угостители носи дополнителен оптимизам, рече државниот секретар во Министерството за економија, Симон Зајц, предупредувајќи ги угостителите дека од нив зависи колку ќе трае концесијата и ги повика строго да се придржуваат до пропишаните услови за работа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.