Спорт
Русите најдоа начин да го покажат знамето на Олимпијадата и покрај суспензијата
Рускиот олимписки комитет ја откри униформата на своите спортисти со која ќе настапат на Олимписките игри во Токио ова лето, на кое го има дизајнот на руското знаме и покрај суспензијата која ја додели Светската анти-допинг агенција (ВАДА).
Судот за арбитража во спортот (ЦАС) пред три месеци ги потврди казните за Русија поради манипулацијата на податоците од анти-допинг лабораторијата во Москва, со која до декември 2022 година им е забрането да го користат руското знаме и химна на сите меѓународни натпреварувања. Ова значи дека руските спортисти во Токио, но и во Пекинг следната година на Зимската Олимпијада ќе настапуваат под името ROC (Руски олимписки комитет) наместо Русија.
Сепак, униформите на олимпискиот тим, изработени од „Заспорт“, официјалниот партнер на олимпискиот комитет претстави дресови и униформи во боите на знамето. ИОЦ потврди дека униформите ги исполнуваат условите.
„Дизајните на РОЦ за Токио 2020 се според поставените рамки на ИОЦ. Затоа се одобрени“, објавија од ИОЦ.
Russian competitors, barred from competing at Olympics and other major international events under their flag and with their anthem until 2022, unveiled blue, red and white uniforms for the Tokyo Olympics. Read more here: https://t.co/Md6S5M0jxo pic.twitter.com/sUhfZUTWlE
— Reuters Sports (@ReutersSports) April 15, 2021
??В преддверии Игр XXXII Олимпиады в Токио Zasport выпустил коллекцию спортивной одежды Zasport Tokyo-2020, в которой объединили традиционную символику Сборной России с японскими мотивами#КомандаРоссии pic.twitter.com/zhPwpKoezE
— Olympic Russia (@Olympic_Russia) April 15, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ливерпул потврди: Слот е замена за Клоп
Ливерпул дефинитивно го потврди доаѓањето на Арне Слот за менаџер.
Клубот од Енфилд на социјалните мрежи објави дека токму холандскиот стручњак ќе ги предводи „црвените“ во наредните години.
„Ливерпул може да потврди дека Арне Слот се согласил да биде нов менаџер на клубот и тој официјално ќе ја преземе таа функција од 1 јуни, откако ќе добие работна дозвола“, се вели во соопштението на Ливерпул.
We can announce Arne Slot has agreed a deal to become the club’s new head coach, formally taking up the position on June 1, 2024, subject to a work permit 🙌
— Liverpool FC (@LFC) May 20, 2024
Слот на кормилото ќе го замени Јирген Клоп, кој реши да се пензионира по девет години.
Слот пристигнува по три многу успешни сезони во холандскиот фудбал со Фејенорд, кој го водеше до титулата минатата година и двапати беше менаџер на годината.
Во април со клубот од Ротердам го освои Купот на Холандија со победата над НЕЦ од 1:0.
Спорт
Хулен Лопетеги ќе биде тренер на Вест Хем
Договорот конечно е постигнат по неколку средби, Хулен Лопетеги ќе биде тренер на Вест Хем, пренесуваат англиските медиуми.
Пред еден месец беше познато дека шпанскиот стручњак преговара со клубот од Лондон, но договорот не беше постигнат уште во првиот обид, па следуваа уште две средби.
Се уште не е познато за колку долго ќе биде потпишан договорот, но во медиумите се шпекулира дека ќе биде на две или три години.
Вест Хем моментално е на деветтото место во Премиер лигата со кое не може да се задоволи, а кога почна да бележи лоши резултати стана јасно дека менаџерот Дејвид Мојс ќе добие отказ, па почнаа шпекулациите за неговиот наследник.
Што се однесува до Лопетеги, тој досега работеше како тренер на Севиља, Реал Мадрид, Вулверхемптон, но беше селектор и на шпанската репрезентација.
Спорт
Разбојници пукале врз тројца фудбалери на Марсеј
Тројца фудбалери на Олимпик Марсеј биле нападнати утрово во 3 часот по враќањето од Ле Авр, каде тимот го одигра последниот натпревар во сезоната, во Лига 1. Марсеј победи со 2.1 но не успеа да избори пласман во европските купови.
Како што јави „Европа 1“, жртви на напдто биле Фарис Мумбања, Жан Онана и Бамо Меите. Група разбојници, им се заканиле со пиштоли и се обиделе да ги украдат нинвите автомобили.
Драмата, кулминирала кога кон фудбалерите биле испукани неколку куршуми додека тие се обидувале да избегаат. Во еден од автомобилите два куршуми завршиле во врата на возачот, а во вториот куршум бил испукан во багажникот.
23-годишниот Мумбања е напаѓач од Камерун кој на почетокот на годината дојде од Норвешка, Меите е стопер од Брегот на Слоновата Коска, а Онана е Камерунец кој игра на позицијата заден играч за врска. Тој дојде во Марсеј на позајмица од Бешикташ.