Црна хроника
Вештаци детално ги објаснија причините за смртта на жртвите од „Монструм“
Вештаци од судска медицина во средата пред судот објаснуваа како настапила смртта кај петмината убиени кај Смилковското езеро во април минатата година.
Вештото лице Рената Јанковска – Ајанова објасни дека смртоносна за Цветанчо Ацевски била повредата од вратот кон главата. Филип Славковски добил смрттна повреда, која завршила во неговото срце, а имал и други тешки телесни повреди.
Според вештакот Горан Павловски, кај Кире Тричковски имало раскинување на рбетниот мозок, додека Александар Наќевски бил изрешетан со осум проектили, од кои седум биле прострелни и една устрелна рана.
Рибарот Борче Стефковски би застрелан со четири проектили.
Кон петмината било пукано од сите страни со автоматски пушки и пиштол. Веднаш по убиството Судска медицина излезе со информации дека убиените не биле врзувани и мачени, туку биле изрешетани.
Се очекува да се презентира заедничкиот извештај на Министерството за внатрешни работи и Судска медицина за тоа што точно се случило лани на 12-ти април.
Пред судот за убиството одговараат Агим Исмаиловиќ, Фејзи Азири, Рами Сејди и Хаки Азири, додека двајца обвинети, Алил Демири и Африм Исмаиловиќ се во бегство. /крај/фф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Гостиварец измамен за сума од 760 евра: преку социјалните мрежи собирал пари за лекување во странство
Вчера во 14.40 часот во ОВР Гостивар, 31-годишен гостиварец пријавил дека бил измамен од едно лице за сума од 760 евра.
Според пријавеното, околу 09.00 часот лицето се јавило преку социјална мрежа и се претставило како Р.М. од Република Србија, кој работел во хуманитарна организација. Како што е пријавено, лицето го видело апелот за помош за негово лекување во странство и сакало да помогне со донација на поголем износ, но било потребно прво тој да уплати 760 евра бидејќи таква била процедурата.
Исто така, според пријавеното, откако ги пратил парите преку брз трансфер на пари, лицето го блокирало, по што сфатил дека е измамен.
ПОлицијата соопшти дека се преземаат мерки за расчистување на случајот.
Црна хроника
Тепачка во интернат во Битола: таткото го претепал цимерот на својот син
Во СВР Битола вчера во 14.00 часот Ј.Б.(41) од Кичево пријавил дека во неговата соба во интернат во Битола, неговиот малолетен син бил физички нападнат од М.Г.(37) од Вевчани, татко на неговиот цимер.
Полицијата соопшти дека се преземаат мерки за расчистување на случајот.
Црна хроника
Кривична за геометар од Струга: изработил лажно решение за приватизација на градежно земјиште
ОВР Струга поднесе кривична пријава против Р.А.(39) од Струга поради постоење основи на сомнение за сторени кривични дела „фалсификување исправа” и „злоупотреба на службена положба и овластувања“.
Тој, во својство на помлад референт – геометар во Министерството за финансии, Управа за имотно – правни работи во Струга, изработил лажно решение за приватизација на градежно земјиште по основ стекната со надомест, внел број од друг предмет, своерачно се потпишал и во име на овластениот потписник, фалсификувајќи го неговиот потпис, и го втиснал службениот печат од Министерството за финансии за првостепена постапка.
Изготвеното лажно решение на 29.05.2024 година го испратил во Одделение за катастар на недвижности во Струга со намера да биде катастарски впишано и спроведено, додека архивираниот предмет, чиј број го искористил, веднаш го уништил.